സിനിമയിലുള്ള ആരാധക പ്രതീക്ഷകളെ വീണ്ടും ഉയർത്തുകയാണ്‌ ലിയോയുടെ ഓരോ അപ്ഡേറ്റും. പാൻ ഇന്ത്യൻ സാധ്യത ലക്ഷ്യമിടുന്ന ചിത്രത്തിൽ പ്രതിനായകൻ സഞ്ജയ് ദത്താണ്‌. ചിത്രത്തിന്റെ ഹിന്ദി പോസ്റ്ററിൽ സഞ്ജയ് ദത്തുമായി ഏറ്റുമുട്ടുന്ന വിജയ്യെ കാണാം. പതിവ് ശാന്ത ഭാവം വിട്ട്‌ പ്രതികാരരൂപത്തിലുള്ള നായകനായി മാറുന്ന ദളപതിയെ പോസ്റ്ററിൽ കാണാം. “ശാന്തനായി പിശാചിനെ അഭിമുഖീകരിക്കുക ” എന്നതാണ്‌ പോസ്റ്ററിലെ തലവാചകം. “ശാന്തമായി യുദ്ധത്തിന് തയ്യാറെടുക്കുക’ എന്നതായിരുന്നു കഴിഞ്ഞ ദിവസം പോസ്റ്ററിൽ പ്രത്യക്ഷപ്പെട്ട വരികൾ. ലിയോ പോസ്റ്ററുകളിലെ ഓരോ ഡീറ്റൈലിംഗും ചർച്ചയാകുകയാണ് പ്രേക്ഷകർക്കിടയിൽ. ഓരോ അപ്ഡേറ്റിലും കത്തിക്കയറുകയാണ് ലിയോ.
സെവൻ സ്‌ക്രീൻ സ്റ്റുഡിയോ, ദി റൂട്ട് എന്നിവയുടെ ബാനറുകളിൽ ലളിത് കുമാറും ജഗദീഷ് പളനിസ്വാമിയും ചേർന്നാണ് ലിയോ നിർമിക്കുന്നത്.ശ്രീ ഗോകുലം ഗോപാലന്റെ ഗോകുലം ഫിലിംസ് ആണ് കേരളത്തിലെ വിതരണാവകാശം സ്വന്തമാക്കിയത്. ദളപതി വിജയോടൊപ്പം വമ്പൻ താര നിരയാണ് ലിയോയിൽ ഉള്ളത്.
തൃഷ, സഞ്ജയ് ദത്ത്, അർജുൻ സർജ, ഗൗതം മേനോൻ, മിഷ്കിൻ, മാത്യു തോമസ്, മൻസൂർ അലി ഖാൻ, പ്രിയ ആനന്ദ്, സാൻഡി, ജനനി, അഭിരാമി വെങ്കിടാചലം, ബാബു ആന്റണി തുടങ്ങി നിരവധി താരങ്ങളാണ് ചിത്രത്തിൽ അണിനിരക്കുന്നത്.ചിത്രത്തിനായി അനിരുദ്ധ് സംഗീതം ഒരുക്കുന്നു. ഡി.ഒ.പി : മനോജ് പരമഹംസ, ആക്ഷൻ : അൻപറിവ് , എഡിറ്റിങ് : ഫിലോമിൻ രാജ്. ഒക്ടോബർ 19 ന് തിയേറ്ററുകളിലേക്കെത്തുന്ന ചിത്രം കേരളത്തിലെ തീയേറ്ററുകളിലേക്കെത്തിക്കുന്നത് ഗോകുലം ഫിലിംസിന്റെ ഡിസ്ട്രിബൂഷൻ പാർട്നർ ആയ ഡ്രീം ബിഗ് ഫിലിംസ് ആണ്.