നിരോധിത സംഘടനയായ പോപ്പുലർ ഫ്രണ്ടിന്റെ മഞ്ചേരിയിലെ ഗ്രീൻവാലി അക്കാദമി ദേശീയ അന്വേഷണ ഏജൻസി (എൻഐഎ) കണ്ടുകെട്ടി. 10 ഹെക്ടർ സ്ഥലത്ത് വ്യാപിച്ചുകിടക്കുന്ന ഗ്രീൻവാലി അക്കാദമിയിൽ എൻഡിഎഫും പിഎഫ്ഐയും ആയുധ പരിശീലനം നടത്തിയിരുന്നുവെന്ന് എൻഐഎ പറയുന്നു.
ഈ അക്കാദമി കെട്ടിടം ആദ്യം പിഎഫ്ഐയില് ലയിച്ച നാഷണല് ഡെവലപ്മെന്റ് ഫ്രണ്ടിന്റെ (എൻഡിഎഫ്) കേഡറുകള് ഉപയോഗിച്ചിരുന്നതെന്നാണ് എന്ഐഎയുടെ കണ്ടെത്തല്. എൻഐഎ കൊച്ചി യൂണിറ്റില്നിന്നുള്ള ചീഫ് ഇന്സ്പെക്ടര് ഉമേഷ് റായിയുടെ നേതൃത്വത്തിലാണ് അക്കാദമി കണ്ടുകെട്ടുന്നത്.
ആയുധപരിശീലനം, കായിക പരിശീലനം, സ്ഫോടകവസ്തുക്കളുടെ ഉപയോഗവും എന്നിവയെക്കുറിച്ചുള്ള പരിശീലന സെഷനുകള്ക്കായി പിഎഫ്ഐയും എൻഡിഎഫും ഈ കെട്ടിടവും പ്രദേശവും ഉപയോഗിച്ചിരുന്നതായും പിഎഫ്ഐയുടെ പ്രധാന ആയുധ പരിശീലന കേന്ദ്രമാണിതെന്നും എൻഐഎ വ്യക്തമാക്കി. കേന്ദ്രത്തിൽ ആയുധപരിശീലനവും കായിക പരിശീലനവും നടന്നിരുന്നുവെന്ന് എൻഐഎ സ്ഥിരീകരിച്ചു. സ്ഫോടക വസ്തുക്കളടക്കം പരീക്ഷിച്ചെന്നും കണ്ടെത്തിയിരുന്നു. മഞ്ചേരിയിലെ ഈ പരിശീലന കേന്ദ്രം പിഎഫ്ഐയില് ലയിച്ച നാഷണല് ഡെവലപ്മെന്റ് ഫ്രണ്ട് നേരത്തേ ഉപയോഗിച്ചിരുന്നുവെന്നും എന്ഐഎ കണ്ടെത്തിയിട്ടുണ്ട്.
പോപ്പുലര് ഫ്രണ്ട് നിരോധനത്തിന് ശേഷം കേരളത്തില് ആറാമത്തെ പിഎഫ്ഐ ആയുധ പരിശീലന കേന്ദ്രവും സംഘടനയുടെ പതിനെട്ടാമത്തെ വസ്തുവുമാണ് എന്ഐഎ കണ്ടുകെട്ടുന്നത്. പോപ്പുലർ ഫ്രണ്ടിന്റെ മലബാര് ഹൗസ്, പെരിയാര്വാലി, വള്ളുവനാട് ഹൗസ്, കാരുണ്യ ചാരിറ്റബിള് ട്രസ്റ്റ്, ട്രിവാന്ഡ്രം എജ്യുക്കേഷന് ആന്ഡ് സര്വീസ് ട്രസ്റ്റ് എന്നിവ എന്ഐഎ നേരത്തെ കണ്ടുകെട്ടിയിരുന്നു. ആയുധപരിശീലനം, ശാരീരിക പരിശീലനം, സ്ഫോടകവസ്തുക്കളുടെ ഉപയോഗവും എന്നിവയെക്കുറിച്ചുള്ള പരിശീലന സെഷനുകള്ക്കായി പിഎഫ്ഐ ഈ കെട്ടിടം ഉപയോഗിച്ചതായി എന്ഐഎ അന്വേഷണത്തില് കണ്ടെത്തിയതായാണ് റിപ്പോര്ട്ടുകള്. കൊലപാതകം ഉള്പ്പെടെയുള്ള കുറ്റകൃത്യങ്ങള് ചെയ്തതിന് ശേഷം നിരവധി പേരുടെ ഒളിത്താവളമായും ഈ കേന്ദ്രം പ്രവര്ത്തിച്ചിരുന്നു.
അക്കാദമിയിലെ ടെക്നിക്കല് ഇന്സ്റ്റിറ്റ്യൂട്ടില് പ്രവര്ത്തിക്കുന്ന ലൈബ്രറിയില്നിന്ന് ഏതാനും പുസ്തകങ്ങളും മൊബൈല് ഫോണുകളും കസ്റ്റഡിയിലെടുക്കുകയും ചെയ്തു. അറസ്റ്റിലായ പോപ്പുലര് ഫ്രണ്ട് നേതാക്കളും സ്ഥാപനവും തമ്മിലുള്ള ബന്ധത്തെക്കുറിച്ചുള്ള വിവരങ്ങളും ശേഖരിച്ചു. ഇതിന്റെ തുടര്ച്ചയായാണ് കണ്ടുകെട്ടൽ.