യുക്രെയ്ന് അധിനിവേശത്തില് റഷ്യന് പ്രസിഡന്റ് വ്ളാഡിമര് പുടിന്റെ കണക്കുകൂട്ടലുകള് പിഴച്ചുവെന്ന് അമേരിക്കന് പ്രസിഡന്റ് ജോ ബൈഡന്. സാധാരണ യുക്തിസഹമായി ചിന്തിക്കുന്ന പുടിന്, യുക്രെയ്നിലെ സാധ്യതകളെ പറ്റി ശരിയായി മനസിലാക്കിയില്ലെന്ന് ജോ ബൈഡന് പറഞ്ഞു. യുക്രെയ്നില് റഷ്യ ആണവായുധം പ്രയോഗിക്കുമെന്ന് വിചാരിക്കുന്നില്ലെന്നും ബൈഡന് വ്യക്തമാക്കി. സിഎന്എന്നിന് നല്കിയ അഭിമുഖത്തിലാണ് ബൈഡന്റെ പരാമര്ശം. ജി-20 ഉച്ചകോടിയില് പുടിനുമായി കൂടിക്കാഴ്ച നടത്താന് തീരുമാനിച്ചിട്ടില്ലെന്നും യുഎസ് പ്രസിഡന്റ് വ്യക്തമാക്കി.
അതിനിടെ, കീവില് ഉള്പ്പെടെ ആക്രമണം ശക്തമാക്കിയ സാഹചര്യത്തില് റഷ്യയ്ക്കെതിരെ ശക്തമായ ഉപരോധം ആവശ്യപ്പെട്ട് ജി -7 രാജ്യങ്ങളോട് യുക്രെയ്ന് പ്രസിഡന്റ് വ്ളോഡിമര് സെലന്സ്കി ആവശ്യപ്പെട്ടു. റഷ്യയുടെ മിസൈല് ആക്രമണങ്ങളെ പ്രതിരോധിക്കാന് കൂടുതല് സഹായങ്ങള് നല്കണമെന്നും സെലന്സ്കി അഭ്യര്ത്ഥിച്ചു. ബെലാറൂസ് അതിര്ത്തിയില് നിരീക്ഷണ സംവിധാനം ശക്തമാക്കണമെന്നാണ് യുക്രെയ്ന്റെ ആവശ്യം. വേഗത്തില് സഹായം നല്കിയാല് മാത്രമെ റഷ്യന് ആക്രമണത്തെ പ്രതിരോധിക്കാനാകൂ എന്ന് യുക്രെയ്ന് വ്യക്തമാക്കുന്നത്.