ബ്ലാക്ക് മാജിക് ഡിസൈൻ പുതിയ ക്യാമറാ മോഡൽ പ്രഖ്യാപിച്ചു. ബ്ലാക്ക് മാജിക് പോക്കറ്റ് സിനിമാ ക്യാമറ 6K G2യാണ് പുതിയ മോഡൽ. കനംകുറഞ്ഞ കാർബൺ ഫൈബർ പോളികാർബണേറ്റ് കോമ്പോസിറ്റിൽ നിർമ്മിച്ചതാണ് ഈ ക്യാമറ. റെക്കോർഡിംഗ്, ഐഎസ്ഒ, വൈറ്റ് ബാലൻസ് , ഷട്ടർ സ്പീഡ് ക്രമീകരണം എന്നിവ വിരൽത്തുമ്പിൽ തന്നെ നിയന്ത്രിക്കാവുന്ന മൾട്ടിഫംഗ്ഷൻ ഹാൻഡ്‌ഗ്രിപ്പ് ഉണ്ടെന്നത് ഇതിന്റെ സവിശേഷതയാണ്.
6K G2ൽ ഏറ്റവും പുതിയ ബ്ലാക്ക്‌മാജിക് ജനറേഷൻ 5 കളർ സയൻസ് ഉൾപ്പെടുത്തിയിരിക്കുന്നു , കൂടാതെ ജനപ്രിയ സിനിമാറ്റിക് സൂപ്പർ 35 HDR ഇമേജ് സെൻസറും ഡൈനാമിക് റേഞ്ചിന്റെ 13 സ്റ്റോപ്പുകളും മുൻ മോഡലിൽ നിന്ന് ഡ്യുവൽ നേറ്റീവ് ISO, EF ലെൻസ് മൗണ്ട് എന്നിവയും നിലനിർത്തുന്നു. 6K G2-ൽ NP-F570 ബാറ്ററികളാണ് നൽകിയിരിക്കുന്നത്. USB-C എക്സ്പാൻഷൻ പോർട്ടിന് പോലും ബാറ്ററി ചാർജ് ചെയ്യാൻ കഴിയുമെന്നതിനാൽ ഉപഭോക്താക്കൾക്ക് പോർട്ടബിൾ ബാറ്ററി പാക്കുകൾ, മൊബൈൽ ഫോൺ ചാർജറുകൾ അല്ലെങ്കിൽ ലാപ്‌ടോപ്പുകൾ എന്നിവ ചാർജിങ്ങിനായി ഉപയോഗിക്കാം.
ബ്ലാക്ക് മാജിക് പോക്കറ്റ് സിനിമാ ക്യാമറ 6K G2 സവിശേഷതകൾ
13 സ്റ്റോപ്പുകളുള്ള 6144 x 3456 സെൻസറും 25,600 വരെ ഇരട്ട നേറ്റീവ് ഐഎസ്ഒയും
വിവിധ EF ലെൻസുകളുമായി കണക്ട് ചെയ്യാൻ സാധിക്കുന്നു
വെളിച്ചക്കുറവുള്ള ലൊക്കേഷനുകളിലെ ഷൂട്ടുകൾക്ക് 25,600 ISO വരെ
വിവിധ സോഫ്‌റ്റ്‌വെയറുമായി ബന്ധപ്പെടുത്താൻ സാധാരണ ഓപ്പൺ ഫയൽ ഫോർമാറ്റുകൾ
5 ഇഞ്ച് LCD സ്ക്രീൻ
48 വോൾട്ട് ഫാന്റം പവർ ഉള്ള പ്രൊഫഷണൽ മിനി XLR ഇൻപുട്ടുകൾ
വലിയ NP-F570 ബാറ്ററി, ഓപ്ഷണൽ ബ്ലാക്ക് മാജിക് പോക്കറ്റ് ക്യാമറ ബാറ്ററി പ്രോ ഗ്രിപ്പ്. 1,995 യുഎസ് ഡോളറാണ് ബ്ലാക്ക് മാജിക് പോക്കറ്റ് സിനിമാ ക്യാമറ 6K G2 യുടെ വില ഏകദേശം 1,56,111 ഇന്ത്യൻ രൂപ.