തിരുവനന്തപുരം: സംസ്ഥാനത്തെ പ്ലസ് ടു പരീക്ഷാ ഫലം ചൊവ്വാഴ്ച പ്രഖ്യാപിക്കും. രാവിലെ പതിനൊന്ന് മണിക്ക് പി ആര് ഡി ചേംബറില് വിദ്യാഭ്യാസ മന്ത്രി വി ശിവന്കുട്ടി ഫലപ്രഖ്യാപനം നടത്തും. പ്ലസ് ടു പരീക്ഷകള് 30 നാണ് ആരംഭിച്ചത്.
പ്രാക്ടിക്കല് പരീക്ഷ മെയ് മൂന്ന് മുതലായിരുന്നു. അതേസമയം പ്ലസ് ടു പരീക്ഷകള്ക്ക് ഇത്തവണയും ഗ്രേസ് മാര്ക്ക് നല്കില്ല. കലാ-കായിക മത്സരങ്ങള് നടത്താത്ത സാഹചര്യത്തിലാണ് വിദ്യാഭ്യാസ വകുപ്പിന്റെ തീരുമാനം. എന്സിസി ഉള്പ്പെടെ ഉള്ളവയ്ക്കും ഗ്രേസ് മാര്ക്ക് ഉണ്ടാകില്ല.
കല, കായിക മത്സര ജേതാക്കള്ക്കുപുറമേ സ്റ്റുഡന്റ്സ് പൊലീസ് കാഡറ്റ്, എന്.സി.സി., സ്കൗട്ട് ആന്ഡ് ഗൈഡ്സ്, ലിറ്റില് കൈറ്റ്സ്, ജൂനിയര് റെഡ്ക്രോസ് യൂണിറ്റുകളില് അംഗങ്ങളായ വിദ്യാര്ഥികള്ക്കാണ് ഗ്രേസ് മാര്ക്ക് നല്കിവന്നിരുന്നത്. കൊവിഡ് കാരണം ഇത്തരംപ്രവര്ത്തനങ്ങള് കൃത്യമായി നടന്നിട്ടില്ലെന്ന് പറഞ്ഞ് കഴിഞ്ഞവര്ഷം ഗ്രേസ് മാര്ക്ക് നല്കിയിരുന്നില്ല. പകരം, ഉപരിപഠനത്തിന് നിശ്ചിതമാര്ക്ക് ബോണസ് പോയന്റായി നല്കുകയാണുണ്ടായത്.