നടിയെ ആക്രമിച്ച കേസില് പ്രോസിക്യൂഷന് ഹാജരാക്കുന്നത് പഴയ രേഖകളെന്ന് ദിലീപിന്റെ അഭിഭാഷകന് അഡ്വ ബി രാമന്പിള്ള.
ദിലീപ് സാക്ഷികളെ സ്വാധീനിക്കാന് ശ്രമിച്ചുവെന്ന പ്രോസിക്യൂഷന് ആരോപണം തെറ്റാണെന്ന് പ്രതിഭാഗം വാദിച്ചു. ജാമ്യം റദ്ദാക്കണമെന്നാവശ്യപ്പെട്ട് പ്രോസിക്യൂഷന് ഹാജരാക്കുന്നത് പഴയ രേഖകളാണെന്നാണ് പ്രതിഭാഗത്തിന്റെ വാദം.
ദിലീപിന്റെ വീട്ടുജോലിക്കാരന് ദാസനെ സ്വാധീനിക്കാന് ശ്രമിച്ചെന്നത് കളവാണെന്നും പ്രതിഭാഗം കോടതിയില് നിലപാടെടുത്തു. ഹ൪ജി വരുന്ന ചൊവ്വാഴ്ച പരിഗണിക്കാനായി മാറ്റി.
നടിയെ ആക്രമിച്ച് പകര്ത്തിയ ദൃശ്യങ്ങള് കേസിലെ എട്ടാം പ്രതിയായ ദിലീപിന്റെ കൈവശമുണ്ടെന്ന് തെളിയിക്കാനുള്ള വാദങ്ങളാണ് വിചാരണ കോടതിയില് നേരത്തെ പ്രോസിക്യൂഷന് ഉന്നയിച്ചത്. ഇതിനായി ഫൊറന്സിക് ലാബിലെ ദൃശ്യങ്ങളുടെ ശബ്ദരേഖ ആവശ്യപ്പെട്ട് പ്രോസിക്യൂഷന് വിചാരണ കോടതിയില് കഴിഞ്ഞ ദിവസം അപേക്ഷ നല്കിയിരുന്നു.