ദില്ലി: ഉത്തരേന്ത്യ കൊടും ചൂടിലേക്ക്. മധ്യ ഇന്ത്യയിലും വടക്ക് പടിഞ്ഞാറൻ ഇന്ത്യയിലും ഉഷ്ണ തരംഗം അടുത്ത 5 ദിവസം കൂടിയുണ്ടാകുമെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നൽകി. രാജസ്ഥാൻ, ദില്ലി, ഒഡീഷ, ഹരിയാന, യു പി സംസ്ഥാനങ്ങൾക്കും ജാഗ്രത നിർദ്ദേശമുണ്ട്.
ദില്ലിയിൽ യെല്ലോ അലർട്ട് തുടരും. രാജസ്ഥാനിൽ ഓറഞ്ച് അലർട്ടാണ്. കാലാവസ്ഥ കണക്കിലെടുത്ത്ഒഡീഷയിൽ സ്കൂളുകൾക്ക് ഈ മാസം മുപ്പത് വരെ അവധി നൽകി. അതേസമയം ഇന്നലെ രാജ്യത്ത് ഉയർന്ന താപനില രേഖപെടുത്തിയത് ഉത്തർപ്രദേശിലെ പ്രയാഗ് രാജിലാണ്, 45.9 ഡിഗ്രിയാണ് ഇവിടുത്തെ താപനില. രണ്ട് ദിവസത്തിനുള്ളിൽ മറ്റു ഇടങ്ങളിൽ താപനില നാൽപത്തിയഞ്ച് കടക്കുമെന്നാണ് പ്രവചനം.