തനിക്കെതിരായ ലൈംഗിക പീഡന പരാതി വ്യാജമെന്ന് സംവിധായകന് ലിജു. പരാതി നിയമപരമായി നേരിടുമെന്ന് കൂടുതല് കാര്യങ്ങള് പിന്നീട് പറയാമെന്നും ലിജു വ്യക്തമാക്കി. ലിജുവിനെ പൊലീസ് കാക്കനാട് കോടതിയില് ഹാജരാക്കി.
2020ല് കാക്കനാട്ടെ ഫ്ലാറ്റിലും സ്വകാര്യ ഹോട്ടലുകളിലും കൊണ്ടു പോയി നിരവധി തവണ ലിജു തന്നെ പീഡിപ്പിച്ചു എന്നാണ് കൊച്ചി സ്വദേശിനിയുടെ പരാതി. കണ്ണൂരിലെ സിനിമ ഷൂട്ടിംഗ് സൈറ്റില് നിന്നാണ് ലിജു കൃഷ്ണനെ ഇന്ഫോ പാര്ക്ക് പൊലീസ് കസ്റ്റഡിയില് എടുത്തത്.
ലിജു കൃഷ്ണ ആദ്യമായി സംവിധാനം ചെയ്യുന്ന ചിത്രമാണ് പടവെട്ട്. ചിത്രത്തിന്റെ തിരക്കഥയും ഇയാള് തന്നെയാണ് നിര്വഹിച്ചിരിക്കുന്നത്. സണ്ണി വെയ്ന് ആദ്യമായി നിര്മിക്കുന്ന ചിത്രം കൂടിയാണിത്.