കെ റെയില് സില്വര്ലൈന് സർവേക്കെത്തിയ വനിതാ ഉദ്യോഗസ്ഥരെയടക്കം അസഭ്യം പറഞ്ഞ കോൺഗ്രസ് നേതാവ് കൊടിക്കുന്നില് സുരേഷ് എം.പിക്കെതിരെ ജാമ്യമില്ലാ വകുപ്പ് പ്രകാരം കേസ്.
എംപിയുടെ നേതൃത്വത്തിലുള്ള നാട്ടുകാര് ഉദ്യോഗസ്ഥരുടെ കൃത്യനിര്വഹണം തടസപ്പെടുത്തി, സി.ഐ അടക്കമുള്ള ഉദ്യോഗസ്ഥരെ അവഹേളിച്ചു എന്നീ പരാതികളുടെ അടിസ്ഥാനത്തിലാണ് ചെങ്ങന്നൂര് പൊലീസ് കേസ് രജിസ്റ്റർ ചെയ്തത്.
സർവേക്കെത്തിയ വനിതാ ഉദ്യോഗസ്ഥര് അടക്കമുള്ളവരെ കൊടിക്കുന്നില് സുരേഷ് അപമാനിക്കുകയും കൈയേറ്റം ചെയ്യാന് ശ്രമിക്കുകയും ചെയ്യുന്ന വീഡിയോ പുറത്തുവന്നിരുന്നു.
ഉദ്യോഗസ്ഥരോട് ‘നിന്റെ തന്തയുടെ വകയാണോ ഈ സ്ഥല’മെന്ന് ചോദിച്ചായിരുന്നു കൊടിക്കുന്നില് സുരേഷിന്റെ പ്രകടനം. ‘ഇയാളാരാ, ഞാന് ജനപ്രതിനിധിയാണ്. നിന്നെക്കാള് വലിയവനാണ്, നിന്നെക്കാള് മേല് ഇരിക്കുന്ന ആളാണ് ഞാന്’ എന്ന് സ്ഥലത്തെത്തിയ സിഐയോടും എംപി പറഞ്ഞിരുന്നു. ചെങ്ങന്നൂരില് മൂന്നാം തീയതിയാണ് കെ റെയിലിനെതിരെ കോണ്ഗ്രസിന്റെ നേതൃത്വത്തില് സമരം നടന്നത്.