റഷ്യന്‍ സൈന്യത്തിന്‍റെ ആക്രമത്തിന് പിന്നാലെ ആശങ്കയിലും ഭീതിയിലും പരക്കം പാഞ്ഞ് ഉക്രയ്ൻ നിവാസികള്‍. പ്രധാന നഗരങ്ങളില്‍ ഉള്‍പ്പെടെ എടിഎമ്മുകള്‍ പലതും കാലിയായ അവസ്ഥയാണ്. സൂപ്പര്‍ മാര്‍ക്കറ്റുകളില്‍ നീണ്ട ക്യൂവാണ് അനുഭവപ്പെടുന്നത്. ഭക്ഷണശാലകള്‍ അടച്ചിട്ടിരിക്കുകയാണ്. തലസ്ഥാനമായ കീവില്‍നിന്ന് ഉള്‍പ്പെടെ ഒട്ടേറെപ്പേര്‍ സുരക്ഷിത സ്ഥലങ്ങളിലേക്ക് പലായനം ചെയ്തു. മിക്ക റോഡുകളിലും ഗതാഗത കുരുക്ക് രൂക്ഷമാണ്. ഇതിനിടെ, ഷെല്ലാക്രമണ ഭീഷണിയില്‍നിന്ന് രക്ഷപ്പെടാന്‍ ഭൂഗര്‍ഭ മെട്രോയില്‍ അഭയം പ്രാപിച്ചവരും ഏറെയാണ്.