കോഴിക്കോട് വെള്ളിമാട്കുന്ന് ചില്ഡ്രന്സ് ഹോമില് നിന്ന് കാണാതായ സഹോദരിമാരടക്കമുള്ള ആറ് പെണ്കുട്ടികളും ബംഗളുരുവിൽ എത്തിയതായി സൂചന. ഇതേതുടർന്ന് പൊലീസ് അന്വേഷണം കർണാടകത്തിലേക്കും വ്യാപിപ്പിച്ചു. ഒരു സംഘം ബംഗളൂരുവിലേക്ക് പുറപ്പെട്ടു. പെണ്കുട്ടികളുടെ സിസിടിവി ദൃശ്യങ്ങള് പൊലീസിന് ലഭിച്ചു. ആറ് പേരും സംഘങ്ങളായി നീങ്ങുന്ന ദൃശ്യമാണ് സിസിടിവിയിൽ നിന്നും ലഭിച്ചത്.
ബുധനാഴ്ച വൈകിട്ടോടെയാണ് ആറ് പെൺകുട്ടികളെയും കാണാതായ വിവരം പുറത്തറിഞ്ഞത്. അടുക്കളയുടെ ഭാഗത്തെ മതിലില് ഏണി ചാരിയാണ് ഇവര് പുറത്തേക്ക് കടന്നതെന്നാണ് വിവരം. ചൈല്ഡ് വെല്ഫെയര് കമ്മിറ്റിയുടെ നിര്ദ്ദേശപ്രകാരമായിരുന്നു നേരത്തെ ഇവരെ ചില്ഡ്രന്സ് ഹോമില് പാര്പ്പിച്ചിരുന്നത്.