പുരോഗതിയുടെ പാതയ്ക്ക് തുരങ്കംവെക്കുന്നവരെ കേരള ജനത ഒറ്റക്കെട്ടായി പരാജയപ്പെടുത്തുമെന്ന് മുഖ്യമന്ത്രി പിണറായി വിജയന്. കോവിഡ് മഹാമാരിയെ തുടർന്നുണ്ടായ ആഘാതങ്ങളില് നിന്നും മുക്തി നേടി നമ്മുടെ സംസ്ഥാനം പുരോഗതിയുടെ പാതയില് കൂടുതല് വേഗത്തില് കുതിക്കേണ്ട ഈ ഘട്ടത്തില് അത്തരത്തിലുള്ള ഐക്യമനോഭാവം കൂടുതല് പ്രസക്തമാവുകയാണെന്നും അദ്ദേഹം പറഞ്ഞു. റിപ്പബ്ളിക് ദിന സന്ദേശത്തിലാണ് മുഖ്യമന്ത്രിയുടെ ഇങ്ങനെ പറഞ്ഞത്.
വിപത്തുകള്ക്കെതിരെ ഒത്തൊരുമിച്ചുള്ള പോരാട്ടം ജനാധിപത്യ വിശ്വാസികളില് നിന്നും കരുത്തോടെ ഉയര്ന്നു വരേണ്ടതുണ്ട്. ഭരണഘടനയുടെ അന്ത:സത്ത നഷ്ടപ്പെട്ട് പോകാതെ കാത്തുസൂക്ഷിക്കുമെന്ന് ഈ റിപ്പബ്ളിക് ദിനത്തില് നമുക്ക് പ്രതിജ്ഞ ചെയ്യാം.നാടിന്റെ പുരോഗതിക്കായി കൈകോര്ത്തു നില്ക്കേണ്ട സമയമാണിത്. ആ ഐക്യത്തിനും പുരോഗതിയുടെ പാതയ്ക്കും തുരങ്കംവെക്കുന്ന ശക്തികളെ തിരിച്ചറിയാനും പരാജയപ്പെടുത്താനും കേരള ജനത ഒറ്റക്കെട്ടായി നില്ക്കുമെന്ന് പൂർണ വിശ്വാസമുണ്ട്. എല്ലാ കുപ്രചാരണങ്ങളെയും തള്ളിക്കളയാനും വ്യാജ പ്രചാരകര്ക്കും സങ്കുചിത താല്പര്യക്കാര്ക്കും അര്ഹിക്കുന്ന മറുപടി നല്കാനുമുള്ള ആര്ജവം കേരളത്തിലെ ജനങ്ങള്ക്കുണ്ട്.
വികസനത്തിന്റെ ഗുണഫലങ്ങള് എല്ലാവരിലും എത്തുമെന്നുറപ്പാക്കേണ്ടതുണ്ട്. അതിനാല് സാമൂഹിക ഉച്ചനീചത്വങ്ങള്ക്ക് അന്ത്യം കുറിക്കാന് പറ്റാത്ത കാലത്തോളം രാജ്യത്തിന്റെ ഭരണഘടന അതിന്റെ പൂർണ അര്ഥത്തില് പ്രായോഗികവല്ക്കരിക്കപ്പെടുകയില്ല എന്ന യാഥാര്ഥ്യം മനസിലാക്കി സ്വാതന്ത്ര്യവും സാഹോദര്യവും സമത്വവും കളിയാടുന്ന ഇന്ത്യയ്ക്കായി കൈകോര്ത്തു മുന്നേറാം; മുഖ്യമന്ത്രി കൂട്ടിച്ചേർത്തു.