സംസ്ഥാനത്ത് ഒമിക്രോണ് (Omicron) സാമൂഹിക വ്യാപനമുണ്ടായെന്ന് സൂചന നല്കി പരിശോധനാ ഫലം. കോഴിക്കോട്ടെ ഒരു സ്വകാര്യ ആശുപത്രിയില് നടത്തിയ സ്ക്രീനിംഗ് ടെസ്റ്റിലാണ് വ്യാപകമായ ഒമിക്രോണ് പോസിറ്റീവ് കേസുകള് റിപ്പോര്ട്ട് ചെയ്തത്. കൊവിഡ് പോസിറ്റീവായ 51 പേരില് നടത്തിയ എസ്ജിടിഎഫ് സ്ക്രീനിംഗ് ടെസ്റ്റില് 38 പേരുടെ (75 %) ഫലം പോസിറ്റീവായി. ഒമിക്രോണ് സ്ഥിരീകരിച്ച 38 പേരില് ആരും വിദേശയാത്ര നടത്തുകയോ, വിദേശത്ത് നിന്നെത്തിയവരുമായി സമ്പര്ക്കം പുലര്ത്തിയവരോ അല്ല. അതുകൊണ്ട് തന്നെ സംസ്ഥാനത്ത് ഒമിക്രോണ് സാമൂഹിക വ്യാപന ഉണ്ടായെന്നാണ് കണക്കുകള് ചൂണ്ടി ആരോഗ്യവിദഗ്ധര് പറയുന്നത്.
© NERARIYAN | 2023