യുപി നിയമസഭാ തെരഞ്ഞെടുപ്പിന് മുമ്പ് ബിജെപിക്ക് കനത്ത തിരിച്ചടി. യോഗി സർക്കാരിലെ മന്ത്രി സ്വാമി പ്രസാദ് മൗര്യ ചൊവ്വാഴ്ച മന്ത്രിസഭയിൽ നിന്ന് രാജിവെച്ചു . തൊട്ടുപിന്നാലെ സ്വാമി പ്രസാദിനെ പിന്തുണച്ച് എംഎൽഎമാരായ ബ്രിജേഷ് പ്രജാപതി, ഭഗവതി പ്രസാദ് സാഗർ, റോഷൻ ലാൽ വർമ എന്നിവരും ബിജെപി വിട്ടു. സ്വാമി പ്രസാദ് മൗര്യയെ കൂടാതെ മന്ത്രി ധരം സിംഗ് സെയ്നി ഉൾപ്പെടെ 4 എംഎൽഎമാർ കൂടി എസ്പിയിൽ ചേരുമെന്നതാണ് ഇപ്പോൾ ചർച്ചാവിഷയം.
പട്യാലി കസ്ഗഞ്ച് എംഎൽഎ മമിതേഷ് ഷാക്യ, ഔറയ്യ വിധുന എംഎൽഎ വിനയ് ഷാക്യ, ബദൗൻ ഷെഖുപുരിന്റെ ധർമേന്ദ്ര ശാക്യ, എംഎൽഎ നീരജ് മൗര്യ എന്നിവരാണ് എസ.പി.യിൽ ചേരാൻ പോകുന്നതായി പറയുന്നത്.
പിന്നോക്കക്കാർ, കർഷകർ, തൊഴിൽരഹിതർ, യുവാക്കൾ, ചെറുകിട, ചെറുകിട, ഇടത്തരം വ്യവസായികൾ എന്നിവരോട് സർക്കാരിന്റെ അവഗണന മനോഭാവമാണ് രാജിക്ക് കാരണമെന്ന് മന്ത്രി സ്വാമി പ്രസാദ് മൗര്യ രാജി കത്തിൽ ചൂണ്ടിക്കാട്ടുന്നു. ഉത്തർപ്രദേശിലെ പിന്നാക്കവിഭാഗങ്ങൾക്കിടയിൽ ശക്തമായ സ്വാധീനമുള്ള നേതാവാണ് സ്വാമി പ്രസാദ് മൗര്യ.
നേരത്തെ ബി.എസ്.പി.യിൽ പ്രവർത്തിച്ചിരുന്ന അദ്ദേഹം 2016-ലാണ് ബി.ജെ.പി.യിൽ ചേർന്നത്. നിരവധി തവണ എം.എൽ.എ.യായിട്ടുണ്ട്. മൗര്യയുടെ മകൾ സംഘമിത്ര ഉത്തർപ്രദേശിലെ ബദൗനിൽ നിന്നുള്ള ബി.ജെ.പി. എം.പി.യുമാണ്.
അതെ സമയം സ്വാമി പ്രസാദിന്റെ രാജി പെട്ടെന്നുള്ള തീരുമാനമാണെന്ന് ഉപമുഖ്യമന്ത്രി കേശവ് മൗര്യ പ്രതികരിച്ചു. മൗര്യ വിഭാഗത്തിൽ നിന്നുള്ള നേതാക്കളാണ് ഇരുവരും. കേശവ് മൗര്യ കാരണം സ്വാമിപ്രസാദിന് ഭരണത്തിൽ വേണ്ടത്ര പ്രാധാന്യം ലഭിച്ചിരുന്നില്ല. ഇതാണ് സ്വാമി പ്രസാദ് ബി.എസ്.പി.യിലേക്കു തന്നെ മടങ്ങാൻ കാരണമാകുന്നതെന്ന് വിലയിരുത്തുന്നു. ഉത്തർപ്രദേശിലെ ജനസംഖ്യയുടെ എട്ട് ശതമാനം മൗര്യ, കുശ്വാഹ സമുദായക്കാർ ചേർന്നാണ്. ഈ വിഭാഗത്തിൽ സ്വാമിപ്രസാദിന് വൻ സ്വാധീനമുണ്ടെന്നാണ് പറയുന്നത്.
സ്വാമി പ്രസാദ് മൗര്യ രാജിവെച്ച ശേഷം സമാജ്വാദി പാർട്ടി ദേശീയ അധ്യക്ഷൻ അഖിലേഷ് യാദവുമായി കൂടിക്കാഴ്ച നടത്തി.