ജാർഖണ്ഡിൽ മാവോയിസ്റ്റ് ആക്രമണം. ഗുംല ജില്ലയിൽ മാവോയിസ്റ്റ് സംഘം 27 വാഹനങ്ങൾ കത്തിച്ചു. സംഭവത്തിൽ അന്വേഷണം തുടങ്ങി. സംഘത്തിനായി തിരച്ചിൽ ആരംഭിച്ചതായും പോലീസ് അറിയിച്ചു. ബോക്സൈറ്റ് ഖനന സ്ഥലത്തിന് സമീപമാണ് വാഹനങ്ങൾക്ക് തീയിട്ടത്.
വെള്ളിയാഴ്ച രാത്രി 8 മണിയോടെ ഒരു സംഘം വിമതർ ഖനന സ്ഥലത്തെത്തി വാഹനങ്ങൾക്ക് തീയിടുകയായിരുന്നു. ഒമ്പത് വാഹനങ്ങൾ പൂർണമായും കത്തി നശിച്ചതായി പോലീസ് സൂപ്രണ്ട് അറിയിച്ചു. ചില കാറുകൾ ഭാഗികമായി തകർന്നതായും അദ്ദേഹം പറഞ്ഞു. കുറ്റവാളികളെ കണ്ടെത്താൻ തിരച്ചിൽ ആരംഭിച്ചിട്ടുണ്ടെന്നും എസ്പി വ്യക്തമാക്കി.