തലശേരിയിൽ മയക്കുമരുന്നുമായി അഞ്ച് യുവാക്കള്‍ പൊലീസ് പിടിയില്‍. മുഴപ്പിലങ്ങാട് കുളം ബസാറിലെ അര്‍ഷാദ്, വടക്കുമ്പാട് കൂളിബസാര്‍ സ്വദേശികളായ മുഹമ്മദ് സിദാന്‍, ജുബിന്‍ ഫിറാദ്, മുഹമ്മദ് റാഹില്‍, കോടിയേരി ഈങ്ങയില്‍ പീടിക സ്വദേശി മുഹമ്മദ് ഫായിസ് എന്നിവരാണ് എംഡിഎംഎയുമായി പിടിയിലായത്.
തലശേരിയിലെ ഒരു സ്വകാര്യ വിക്ടോറിയ ഹോട്ടലില്‍ നിന്നാണ് സംഘത്തെ പൊലീസ് പിടികൂടിയത്. ആന്‍റി നാര്‍ക്കോട്ടിക് സ്ക്വാഡും പൊലീസും ചേര്‍ന്ന് ഹോട്ടലില്‍ നടത്തിയ പരിശോധനയിലാണ് സംഘം പിടിയിലായത്. പൊലീസിനെ കണ്ട് രക്ഷപ്പെടാന്‍ ശ്രമിക്കുന്നതിനിടെ പ്രതി അര്‍ഷാദിന് വീണ് പരിക്കേറ്റു. ഇയാള്‍ കണ്ണൂരിലെ സ്വകാര്യ ആശുപത്രിയില്‍ ചികിത്സയിലാണ്.