നാഗാലാന്ഡില് സുരക്ഷാ സേനയുടെ വെടിവെപ്പിൽ 13 ഗ്രാമീണരും ഒരു ജവാനും കൊല്ലപ്പെട്ടു. നാഗാലാന്ഡിലെ മോണ് ജില്ലയില് ഇന്നലെ രാത്രിയാണ് സംഭവം. ട്രക്കില് സഞ്ചരിക്കുകയായിരുന്ന ഗ്രാമീണരാണ് കൊല്ലപ്പെട്ടത്. ആക്രമണത്തിന് എത്തിയവരാണെന്ന് തെറ്റിദ്ധരിച്ചാണ് സുരക്ഷാ സേന വെടിവെച്ചതെന്ന് സര്ക്കാര് വൃത്തങ്ങള് പറയുന്നു. സംഭവത്തില് നാഗാലാന്ഡ് സര്ക്കാര് ഉന്നതതല അന്വേഷണം പ്രഖ്യാപിച്ചു.
മോന് ജില്ലയിലെ തിരു ഗ്രാമത്തിലാണ് സംഭവം. ഖനിയിലെ ജോലി കഴിഞ്ഞ് ട്രക്കില് വീടുകളിലേക്ക് മടങ്ങിയ തൊഴിലാളികളാണ് സുരക്ഷാ സേനയുടെ വെടിയേറ്റ് മരിച്ചത്. തീവ്രവാദ വിരുദ്ധ സേനാംഗങ്ങളാണ് വെടിയുതിര്ത്തത്.