നെയ്യാർ ഡാമിൽ വനംവകുപ്പിന്റെ നിയന്ത്രണത്തിൽ പുതിയ ഇക്കോ ടൂറിസം പാക്കേജ് ആരംഭിക്കുന്നു. നെയ്യാർ വനപ്രദേശത്തെ കോട്ടമൺപുറം, വെട്ടിമുറിച്ചകോട്ട, കൊമ്പൈ, ആനനിരത്തി, ഭൂതക എന്നിവിടങ്ങളിലേക്കുള്ള ട്രക്കിങ്ങും താമസവും ഭക്ഷണവും ബോട്ടിങ്ങും ഉൾപ്പെടെയുള്ള പാക്കേജുകളാണ് ഒരുക്കുന്നത്.
ഇതിനായി നവീകരിച്ച കോട്ടേജുകളുടെ ഉദ്ഘാടനം 17-ന് നടക്കും. ട്രക്കിങ്ങ് പാക്കേജ്, പ്രൊട്ടക്ഷൻ ഓറിയന്റഡ് പാക്കേജ് എന്നിങ്ങനെ ഒരുക്കിയിട്ടുണ്ട്. നെയ്യാർഡാമിലെ വനം ഇൻഫർമേഷൻ സെന്ററിൽ യാത്ര ബുക്ക് ചെയ്യാം. തിങ്കളാഴ്ചയൊഴികെ എല്ലാ ദിവസവും രാവിലെ ഒൻപത് മുതൽ വൈകീട്ട് നാലു വരെ പ്രവർത്തിക്കും. കൂടുതൽ വിവരങ്ങൾക്കും ടിക്കറ്റ് ബുക്കിങ്ങിനും: 0471-2360762, 2272182.