ബോളിവുഡ് താരവും ടെലിവിഷൻ അവതാരകനുമായ റിതേഷ് ദേശ്മുഖിനെതിരെ സമൂഹമാധ്യമങ്ങളിൽ വിദ്വേഷ പ്രചാരണം കടുക്കുന്നു. ആഘോഷകാലത്ത് മധുരപലഹാരങ്ങളുടെ വില സംബന്ധിച്ചുള്ള റിതേഷിൻറെ ട്വീറ്റ് പുറത്ത് വന്നതിന് പിന്നാലെയാണ് രൂക്ഷ വിമർശനം .
നിങ്ങൾക്ക് മുന്നറിയിപ്പ് തരാമെന്ന് വിചാരിക്കുന്നവെന്ന അടിക്കുറിപ്പോടെ മധുരപലഹാരങ്ങളുടെ വില പങ്കുവെച്ചായിരുന്നു റിതേഷിൻറെ ട്വീറ്റ്. ഇതിന് പിന്നാലെ ഹിന്ദു ഉത്സവങ്ങളെ കുറിച്ച്‌ മാത്രമേ നിങ്ങൾക്ക് അറിവുള്ളു. ക്രിസ്മസിന്റെ യും ഈദിന്റെ യും സമയത്ത് നിങ്ങളുടെ വായിൽ തൈരായിരിക്കുമെന്നാണ് റിതേഷിൻറെ ട്വീറ്റിന് വന്ന കമൻറുകളിലൊന്ന്. എന്നാൽ, താൻ വീഗനാണെന്നും തൈര് കഴിക്കാറില്ലെന്നുമായിരുന്നു റിതേഷിൻറെ മറുപടി.
ഈദിനും ക്രിസ്മസിനും ഇതുപോലൊരു മുന്നറിയിപ്പ് നൽകുമോയെന്നായിരുന്നു മറ്റൊരു കമൻറ്. ഇത്തരത്തിൽ റിതേഷിനെ വിമർശിച്ചുള്ള നിരവധി കമൻറുകൾ പ്രചരിച്ചു . അതെ സമയം നേരത്തെ ആമിർ ഖാനെതിരെയും സമാനമായ പ്രചാരണമുണ്ടായിരുന്നു. തെരുവുകളിൽ പടക്കം പൊട്ടിക്കുന്നതിനെതിരായ പരസ്യത്തിനെ വിമർശിച്ച്‌ നിരവധിപേരാണ് വിമർശനം ഉന്നയിച്ചത്.