കേരളത്തിലെ ആദ്യത്തെ കെ എസ് ആർ ടി സി എ സി റെസ്റ്ററന്റ് വൈക്കം കായലിനോട് ചേർന്ന് പ്രവർത്തനമാരംഭിക്കും. ആദ്യമായാണ് കെ എസ് ആർ ടി സി ബസ് റെസ്റ്ററന്റ് ആയി മാറുന്നത്. കായലോര ബീച്ചില്‍ കെ.ടി.ഡി.സി മോട്ടല്‍ വളപ്പിലാണ് ഉപയോഗശൂന്യമായ വാഹനം റസ്റ്റാറന്‍റായി ഒരുങ്ങുന്നത്. സി.കെ. ആശ എം.എല്‍.എയുടെ ആസ്തി വികസന ഫണ്ടില്‍നിന്ന് 50 ലക്ഷം രൂപ ഇതിന് അനുവദിച്ചിരുന്നു.
പഴയ കെ.എസ്.ആര്‍.ടി ബസില്‍ ഇരുനിലയിലായി 45 ഇരിപ്പിടങ്ങള്‍ ഉണ്ട്. താഴത്തെ നിലയിലെ എ.സി റസ്റ്റാറന്‍റില്‍ 20 ഇരിപ്പിടങ്ങളും മുകളില്‍ നോണ്‍ എ.സിയില്‍ 25 ഇരിപ്പിടങ്ങളും. റസ്റ്റാറന്‍റിന് പുറത്ത് ഒരുക്കുന്ന പൂന്തോട്ടത്തില്‍ 30 പേര്‍ക്ക് ഇരുന്ന് ഭക്ഷണം കഴിക്കാം. കായല്‍സൗന്ദര്യം ആസ്വദിക്കാവുന്ന രീതിയിലാണ് സംവിധാനം ചെയ്തിരിക്കുന്നത്.