ലൗ ജിഹാദ് അല്ലെങ്കില് മറ്റൊരു ജിഹാദ് എന്നതൊന്നും ഇസ്ലാം മതത്തിലില്ലെന്ന് കാന്തപുരം അബൂബക്കര് മുസ്ലിയാര്. മുസ്ലിം സമുദായം അതിനുള്ള ആഹ്വാനം ചെയ്തിട്ടില്ല, ഇനി ചെയ്യുകയുമില്ല. പാലാ ബിഷപ്പ് വിവാദ പ്രസ്താവന പിന്വലിക്കണം. ഞങ്ങളിവിടെ സമാധാനമാണ് ഉദ്ദേശിക്കുന്നത്. ഭിന്നിപ്പുണ്ടാക്കി കലഹിച്ച് പോകാന് താത്പര്യമില്ല. ബിഷപ്പ് അദ്ദേഹത്തിന്റെ വാദം പിന്വലിക്കണം. അത് ചര്ച്ചയാക്കാന് ആരും മുന്നോട്ട് വരാന് പാടില്ല. നിര്ബന്ധിത മതപരിവര്ത്തനം ഇസ്ലാം അനുവദിക്കുന്നില്ല.
ലൗജിഹാദ് ഇല്ല എന്നത് വ്യക്തമായപ്പോള് നാര്കോട്ടിക്ക് ജിഹാദ് എന്ന് പുതിയ പേര് വലിച്ചിടുകയാണ്. ഈ പേരുകൊണ്ടൊന്നും ഒരു പ്രയോജനവുമില്ല. മുസ്ലിം സമുദായം ഒരിക്കലും ഭീകരവാദത്തിനോ തീവ്രവാദത്തിനോ കൂട്ടുനിന്നിട്ടില്ല. നില്ക്കുകയുമില്ല. എപ്പോഴും അതിനെതിരെ സംസാരിക്കുന്നവരാണ് ഞങ്ങളെന്നും തെറ്റ് ചെയ്യുന്ന വ്യക്തികള് എല്ലാ മതങ്ങളിലുമുണ്ടാകാമെന്നും കാന്തപുരം പറഞ്ഞു.