പാര്ലമെന്റിന് പുറത്തുനിന്നുള്ള ആളുകള് എത്തി എം.പിമാരെ മര്ദ്ദിച്ചുവെന്ന് പ്രതിപക്ഷ പാര്ട്ടികള്. പാര്ലമെന്റിലെ സുരക്ഷാ ഉദ്യോഗസ്ഥരല്ലാതെ പുറത്തുനിന്നെത്തിയവര് ഒരു പ്രകോപനവുമില്ലാതെ കയ്യേറ്റം ചെയ്തെന്നാണ് കോണ്ഗ്രസ് ഉള്പ്പെടെയുള്ള പ്രതിപക്ഷ പാര്ട്ടികള് ആരോപിക്കുന്നത്.
ആദ്യമായിട്ടാണ് രാജ്യസഭയില് എം.പിമാരെ തല്ലുകയും തള്ളുകയുമൊക്കെ ചെയ്യുന്നതെന്നും പ്രതിപക്ഷം പറഞ്ഞു.ഇതിന് പിന്നാലെ പ്രതിപക്ഷ പാര്ട്ടി നേതാക്കളും എം.പിമാരും വിജയ് ചൗക്കിലേക്ക് പ്രതിഷേധ മാര്ച്ച് നടത്തിയിരുന്നു. കോണ്ഗ്രസ് പാര്ലമെന്ററി യോഗത്തിന് ശേഷമായിരുന്നു പ്രതിഷേധ പ്രകടനം.