കുട്ടികൾക്ക് കോവിഡ് -19 വാക്സിൻ ലഭ്യമാക്കുന്നത് സ്കൂളുകൾ വീണ്ടും തുറക്കുന്നതിനും അവർക്ക് പുറത്തുള്ള പ്രവർത്തനങ്ങൾ പുനരാരംഭിക്കുന്നതിനും വഴിയൊരുക്കുമെന്ന് എയിംസ് ചീഫ് ഡോ. രൺദീപ് ഗുലേറിയ പറഞ്ഞു.
രണ്ട് മുതൽ 18 വയസ്സുവരെയുള്ളവർക്ക് നൽകാനുള്ള ഭാരത് ബയോടെക്കിന്റെ കോവാക്സിൻ പരീക്ഷണങ്ങളുടെ വിവരങ്ങൾ സെപ്റ്റംബറോടെ പ്രതീക്ഷിക്കുന്നു.
അംഗീകാരം ഉറപ്പായാൽ കുട്ടികൾക്ക് വാക്സിൻ ലഭിക്കുമെന്നും അദ്ദേഹം പറഞ്ഞു.ഇതിന് മുമ്പ് ഫൈസർ വാക്സിന് അംഗീകാരം ലഭിക്കുകയാണെങ്കിൽ, ഇത് കുട്ടികൾക്കും ഒരു ഓപ്ഷനാകുമെന്നും അദ്ദേഹം പറഞ്ഞു.
കുട്ടികൾക്ക് കൂടുതലും കോവിഡ് -19 ന്റെ നേരിയ തോതിലുള്ള അണുബാധയുണ്ടെന്നും ചിലത് ലക്ഷണങ്ങളില്ലാത്തവയാണെങ്കിലും അവ അണുബാധയുടെ വാഹകരാകാമെന്നും കോവിഡ് -19 പാൻഡെമിക് മൂലം കഴിഞ്ഞ ഒന്നരവർഷത്തിനിടെ പഠനങ്ങളിൽ വലിയ നഷ്ടമുണ്ടായി അതിനാൽ സ്കൂളുകൾ തുറക്കേണ്ടത് അനിവാര്യമെന്നും അദ്ദേഹം പറഞ്ഞു.
പ്രതിരോധ കുത്തിവയ്പ്പാണ് പാൻഡെമിക്കിൽ നിന്ന് രക്ഷപ്പെടാനുള്ള മാർഗ്ഗമെന്ന് അദ്ദേഹം പറഞ്ഞു.കോവിഡ് -19 ഇതുവരെ കുട്ടികളെ കാര്യമായി സ്വാധീനിച്ചിട്ടില്ലെങ്കിലും, വൈറസിന്റെ സ്വഭാവത്തിലോ എപ്പിഡെമിയോളജി ഡൈനാമിക്സിലോ എന്തെങ്കിലും മാറ്റം വന്നാൽ അത് വർദ്ധിക്കുമെന്ന് സർക്കാർ അടുത്തിടെ മുന്നറിയിപ്പ് നൽകിയിരുന്നു. ഇത്തരമൊരു സാഹചര്യത്തെ നേരിടാൻ ഒരുക്കങ്ങൾ നടത്തിവരികയാണെന്ന് അദ്ദേഹം പറയുന്നു.
കുട്ടികൾക്കിടയിലെ കോവിഡ് -19 അണുബാധകൾ അവലോകനം ചെയ്യുന്നതിനും പകർച്ചവ്യാധിയെ പുതിയ രീതിയിൽ സമീപിക്കുന്നതിനും അതിനുള്ള രാജ്യത്തിന്റെ തയ്യാറെടുപ്പ് ശക്തിപ്പെടുത്തുന്നതിനുമായി ഒരു ദേശീയ വിദഗ്ദ്ധ സംഘം രൂപീകരിച്ചു.