കെ​പി​സി​സി രാ​​​ഷ്‌​​​ട്രീ​​​യകാ​ര്യ സ​മി​തി​യോ​ഗം ഇന്ന്

കെ​പി​സി​സി രാ​​​ഷ്‌​​​ട്രീ​​​യകാ​ര്യ സ​മി​തി​യോ​ഗം ഇ​ന്നു ചേ​രും. കെ​പി​സി​സി ഡി​സി​സി പു​നഃ​സം​ഘ​ട​ന​യ്ക്കാ​യി മാ​ന​ദ​ണ്ഡ​ങ്ങ​ൾ ത​യാ​റാ​ക്കു​ന്ന​താ​ണ് രാ​​​ഷ്‌​​​ട്രീ​​​യ​കാ​ര്യ സ​മി​തി​യി​ലെ മു​ഖ്യ ച​ർ​ച്ചാവി​ഷ​യം.കെ. ​സു​ധാ​ക​ര​ൻ കെ​പി​സി​സി പ്ര​സി​ഡ​ൻറാ​യ ശേ​ഷം ചേ​രു​ന്ന ആ​ദ്യ യോഗമാണ്.

നി​യ​മ​സ​ഭാ തെ​ര​ഞ്ഞെ​ടു​പ്പി​ൽ അ​ട​ക്കം പ​രാ​ജ​യ​പ്പെ​ട്ട​വ​രെ കെ​പി​സി​സി ഭാ​ര​വാ​ഹി പ​ട്ടി​ക​യി​ൽ ഉ​ൾ​പ്പെടുത്ത​ണോ? ത​ദ്ദേ​ശ സ്ഥാ​പ​ന തെ​ര​ഞ്ഞെ​ടു​പ്പി​ൽ പ​രാ​ജ​യ​പ്പെ​ട്ട​വ​രെ ഡി​സി​സി ഭാ​ര​വാ​ഹി​ക​ളാ​യി പ​രി​ഗ​ണി​ക്കേ​ണ്ട​തു​ണ്ടോ തു​ട​ങ്ങി​യ കാ​ര്യ​ങ്ങ​ൾ ഇ​ന്നുച്ച​ക​ഴി​ഞ്ഞു മൂ​ന്നി​നു ചേ​രു​ന്ന കെ​പി​സി​സി രാ​​​ഷ്‌​​​ട്രീ​​​യകാ​ര്യ സ​മി​തി ച​ർ​ച്ച ചെ​യ്യും.

കെ​പി​സി​സി​യി​ൽ വ​ർ​ക്കിം​ഗ് പ്ര​സി​ഡ​ൻറു​മാ​രും വൈ​സ് പ്ര​സി​ഡ​ൻറു​മാ​രും ജ​ന​റ​ൽ സെ​ക്ര​ട്ട​റി​മാ​രും അ​ട​ക്കം കാ​ര്യ​ക്ഷ​മ​മാ​യി പ്ര​വ​ർ​ത്തി​ക്കാ​ൻ ക​ഴി​യു​ന്ന 20-25 ഭാ​ര​വാ​ഹി​ക​ൾ മ​തി​യെ​ന്ന അ​ഭി​പ്രാ​യ​മാ​ണു സു​ധാ​ക​ര​നു​ള്ള​ത്.

നി​ർ​വാ​ഹ​ക സ​മി​തി അം​ഗ​ങ്ങ​ൾ അ​ട​ക്കം പ​രാ​മ​വ​ധി 50 പേ​ർ. ഡി​സി​സി​ക​ളി​ലും ഭാ​ര​വാ​ഹി​ക​ളു​ടെ എ​ണ്ണം കു​റ​യ്ക്കും. കാ​ര്യ​ക്ഷ​മ​മാ​യി പ്ര​വ​ർ​ത്തി​ക്കു​ന്ന​വ​രെ ഉ​ൾ​പ്പെ​ടു​ത്തി​യും ജം​ബോ ക​മ്മി​റ്റി​യെ പി​രി​ച്ചു​വി​ട്ടു​ം പു​നഃ​സം​ഘ​ട​ന വേ​ണ​മെ​ന്ന​താ​ണു ഹൈ​ക്ക​മാ​ൻ​ഡി​ൻറെ​യും നി​ർ​ദേ​ശം.

യു​വാ​ക്ക​ൾ​ക്കു കൂ​ടു​ത​ൽ പ​രി​ഗ​ണ​ന ന​ൽ​ക​ണോ അ​തോ മു​തി​ർ​ന്ന നേ​താ​ക്ക​ൾ​ക്കാ​ണോ ഭാ​ര​വാ​ഹിപ്പട്ടിക​യി​ൽ മു​ൻ​തൂ​ക്കം ന​ൽ​കേ​ണ്ട​ത്, എ​ത്ര വ​യ​സു​വ​രെ​യു​ള്ള​വ​രെ കെ​പി​സി​സി, ഡി​ഡി​സി ഭാ​ര​വാ​ഹി പ​ട്ടി​ക​യി​ൽ ഉ​ൾ​പ്പെ​ടു​ത്താം തു​ട​ങ്ങി​യ കാ​ര്യ​ങ്ങ​ളും ച​ർ​ച്ച ചെ​യ്യും. ഗ്രൂ​പ്പ്‌ നേ​താ​ക്ക​ളു​ടെ അ​ഭി​പ്രാ​യംകൂ​ടി ഇ​ക്കാ​ര്യ​ങ്ങ​ളി​ൽ തേ​ടു​ന്നു​ണ്ട്. ഇ​തോ​ടൊ​പ്പം ഒ​രാ​ൾ​ക്ക് ഒ​രു പ​ദ​വി അ​ട​ക്ക​മു​ള്ള നി​ർ​ദേ​ശ​ങ്ങ​ളും ച​ർ​ച്ച​യാ​കും.