രാജ്യത്ത് ഇന്ധനവില ഇന്നും വർധിപ്പിച്ചു. പെട്രോൾ ലിറ്ററിന് 28 പൈസയും ഡീസലിന് 28 പൈസയുമാണ് കൂട്ടിയത്. ഇതോടെ കൊച്ചിയിൽ ഒരു ലിറ്റർ പെട്രോളിന് 95 രൂപ 41 പൈസയും ഡീസലിന് 91 രൂപ 86 പൈസയുമായി. മെട്രോ നഗരമായ മുംബൈയിൽ പെട്രോൾ വില 100 കടന്നു. ജൂൺ മാസം ഇത് 4ാം തവണയാണ് തുടർച്ചയായി ഇന്ധനവില കൂടുന്നത്.
സംസ്ഥാനത്ത് പല ജില്ലകളിലും പ്രീമിയം പെട്രോൾ വില 100 കടന്നു. സുൽത്താൻ ബത്തേരിയിൽ എക്‌സ്ട്രാ പ്രീമിയം പെട്രോൾ വില 100 രൂപ 24 പൈസയായി. തിരുവനന്തപുരം, ഇടുക്കി, പാലക്കാട് എച്ച് പി പമ്പുകളിൽ പ്രീമിയം പെട്രോൾ വില 100 രൂപ കടന്നു.