നക്ഷത്ര ഹോട്ടലുകളിൽ കോവിഡ് വാക്സിനേഷൻ നൽകുന്നത് ചട്ടവിരുദ്ധമാണെന്ന് കേന്ദ്ര സർക്കർ. സർക്കാർ, സ്വകാര്യ വാക്സിനേഷൻ കേന്ദ്രങ്ങളിലും ജോലി സ്ഥലങ്ങളിലും മാത്രമേ വാക്സിൻ നൽകാവു. പ്രായമായവർക്കും വികലാംഗർക്കും വീട്ടിൽ വാക്സിൻ നൽകാമെന്നും കേന്ദ്രസർക്കാർ പുറത്തിറക്കിയ ഉത്തരവിൽ പറയുന്നു.
ചില സ്വകാര്യ ആശുപത്രികൾ പഞ്ചനക്ഷത്ര ഹോട്ടലുകളിൽ വാക്സിനേഷൻ സൗകര്യമായൊരുക്കി വാക്സിൻ പാക്കേജ് അവതരിപ്പിക്കുന്നുണ്ട്. . നക്ഷത്ര ഹോട്ടലുകളിൽ താമസം, ഭക്ഷണം, വാക്സിൻ എന്നിവയുൾപ്പെടുന്നതാണ് പാക്കേജ്. ഇതിനെതിരെ രൂക്ഷമായ വിമർശനങ്ങൾ ഉയർന്ന സാഹചര്യത്തിലാണ് കേന്ദ്രം പുതിയ ഉത്തരവ് ഇറക്കിയത്.
വാക്സിൻ വിതരണവുമായി ബന്ധപ്പെട്ട് കേന്ദ്രസർക്കാറിന്‍റെ ചട്ടങ്ങൾ ലംഘിക്കുന്നവർക്കെതിരെ കർശന നടപടിയെടുക്കണമെന്ന് സംസ്ഥാനങ്ങളോട് നിർദേശിച്ചു. മാനദണ്ഡങ്ങൾ അനുസരിച്ചാണോ വാക്സിൻ വിതരണം നടത്തുന്നതെന്ന് സംസ്ഥാനങ്ങൾ ഉറപ്പാക്കണം. വാക്സിൻ മാനദണ്ഡങ്ങൾ ലംഘിച്ചാൽ കർശന നടപടിയുണ്ടാകുമെന്നും കേന്ദ്രസർക്കാർ വ്യക്തമാക്കി.