കേരള തീരത്ത് 40 മുതല് 50 കിലോ മീറ്റര് വരെ വേഗതയില് ശക്തമായ കാറ്റിന് സാധ്യത ഉള്ളതിനാല് മല്സ്യ തൊഴിലാളികള് കടലില് പോകാന് പാടുള്ളതല്ല എന്ന് കേന്ദ്ര കാലാവസ്ഥ നിരീക്ഷണ കേന്ദ്രം അറിയിച്ചു. മേയ് 27 വരെ ശക്തമായ കാറ്റുവീശാന് സാധ്യതയുണ്ടെന്നാണ് അധികൃതർ അറിയിച്ചത്.
പൊഴിയൂര് മുതല് കാസര്ഗോഡ് വരെയുള്ള തീരമേഖലകളില് ഇന്ന്(മേയ് 26)രാത്രി 11:30 വരെ 3.3 മീറ്റര്വരെ ഉയരത്തില് തിരമാലകള് ഉണ്ടാകാന് സാധ്യത ഉണ്ടെന്നും തീരദേശവാസികള് ജാഗ്രത പാലിക്കണമെന്നും അറിയിപ്പില് പറയുന്നു.