പതിനഞ്ചാം നിയമസഭയിലേക്കുള്ള സ്പീക്കറെ നിശ്ചയിക്കുന്നതിനുള്ള തെരഞ്ഞെടുപ്പ് നാളെ നടക്കും. സ്പീക്കര് സ്ഥാനാര്ത്ഥികളായി എം. ബി രാജേഷും പി.സി.വിഷ്ണുനാഥും മത്സരിക്കും. ചൊവ്വാഴ്ച രാവിലെ ഒന്പതിനാണ് സ്പീക്കർ തെരഞ്ഞെടുപ്പ് നടക്കുക. സ്പീക്കര് തെരഞ്ഞെടുപ്പിനായി നാമനിര്ദേശപത്രിക ഇന്ന് ഉച്ചയ്ക്ക് 12 വരെ നൽകാം.
അതേസമയം, പതിനഞ്ചാം കേരള നിയമസഭയുടെ ആദ്യസമ്മേളനം തുടങ്ങി. അംഗങ്ങളുടെ സത്യപ്രതിജ്ഞയാണ് ഇപ്പോൾ പുരോഗമിക്കുന്നത്. പ്രോടേം സ്പീക്കര് പി.ടി.എ റഹീമിനു മുമ്പാകെയാണ് അംഗങ്ങള് സത്യപ്രതിജ്ഞ ചെയ്യുന്നത്.