ലോക ടെസ്റ്റ് ചാമ്പ്യൻഷിപ്പ് ഫൈനലിൽ 4,000 കാണികള്‍ക്ക് പ്രവേശനം ഇംഗ്ലീഷ് ക്രിക്കറ്റ് ബോര്‍ഡ് തീരുമാനിച്ചു. ഇന്ത്യയും ന്യൂസില ൻഡും തമ്മിൽ ഏറ്റുമുട്ടുന്ന ഫൈനൽ വേദിയിലേക്ക് കാണികളെ പ്രവേശിപ്പിക്കുമെന്ന് കൗണ്ടി ക്ലബ്ബായ ഹാംഷയറിന്‍റെ തലവനാണ് ഇക്കാര്യം അറിയിച്ചത്.
ജൂണ്‍ 18ന് സതാംപ്ടണിലാണ് ലോക ടെസ്റ്റ് ചാമ്പ്യൻഷിപ്പ് ഫൈനൽ നടക്കുന്നത്. ബ്രിട്ടനില്‍ കോവിഡ് കേസുകള്‍ കുറഞ്ഞതോടെ ക്രിക്കറ്റ് സ്‌റ്റേഡിയങ്ങളില്‍ കാണികളെ പ്രവേശിപ്പിക്കാന്‍ സര്‍ക്കാര്‍ അനുവാദം കൊടുത്തിട്ടുണ്ട്. നേരത്തെ ലെസ്റ്റര്‍ഷയറും ഹാംഷയറും തമ്മില്‍ നടന്ന കൗണ്ടി മത്സരത്തില്‍ 1500 കാണികള്‍ക്ക് പ്രവേശനം അനുവദിച്ചിരുന്നു.
ന്യൂസീലന്‍ഡ് ടീമിലെ പ്രധാനതാരങ്ങള്‍ ഇംഗ്ലണ്ടില്‍ എത്തിക്കഴിഞ്ഞു. അതേസമയം, ഇന്ത്യൻ ടീം ജൂണ്‍ രണ്ടിന് ലണ്ടനിലേക്ക് തിരിക്കും. നിലവിൽ മുംബൈയിൽ ക്വാറന്‍റൈനിലാണ് കോഹ്‌ലിയും കൂട്ടരും.