കൊവിഡ് പ്രതിരോധത്തിന്റെ ഭാഗമായി നടപ്പാക്കിയ മാതൃകകൾ പങ്കുവെച്ച് കേന്ദ്ര ആരോഗ്യമന്ത്രാലയം. വിവിധ സംസ്ഥാനങ്ങളുടേതായി 14 മികച്ച മാതൃകകളാണ് അവതരിപ്പിച്ചത്.കേരളത്തിൻറെ മാതൃകയും പട്ടികയിൽ ഇടം നേടിയിട്ടുണ്ട്.
കേരളത്തിൻറെ ഓക്സിജൻ നഴ്സ് മാതൃകയാണ് പട്ടികയിൽ ഇടം നേടിയത്. ഓക്സിജൻ ഫലപ്രദമായി ഉപയോഗിക്കേണ്ടതിൻറെ ആവശ്യകതയെക്കുറിച്ച് രാജ്യം ചർച്ച ചെയ്യുന്ന സാഹചര്യത്തിലാണ് കേരളം ഓക്സിജൻ നഴ്സ് മാതൃക മുന്നോട്ട് വെച്ചത്. ഇന്നലെ പ്രധാനമന്ത്രി 54 ജില്ലാ മജിസ്ട്രേറ്റുമാരുമായി കൂടിക്കാഴ്ച നടത്തിയിരുന്നു. ഈ കൂടിക്കാഴ്ചയിലാണ് എറണാകുളം കളക്ടർ ഓക്സിജൻ നഴ്സ് മാതൃക വിശദീകരിച്ചത്.