ഐഎന്‍എല്‍ ദേശീയ വൈസ്പ്രസിഡന്റും സ്ഥാപക നേതാക്കളില്‍ പ്രധാനിയുമായ മൗലാനാ അബ്ദുറഹിമാന്‍ മില്ലി അന്തരിച്ചു. കഴിഞ്ഞ ദിവസം ഹൃദയാഘാതത്തെതുടര്‍ന്ന് മുബൈ ജെ ജെ ആശുപത്രിയിൽ ചികിത്സയിലായിരുന്നു. ഇബ്രാഹിം സേട്ടിനൊപ്പം ഐഎന്‍എല്‍ രൂപീകരണത്തില്‍ പങ്കാളിയായിരുന്നു. മുബൈയിലെ സ്വദേശിയായ അദ്ദേഹം മില്ലി കൗണ്‍സില്‍ സ്ഥാപകാംഗമാണ്.
മഹാരാഷ്ട്ര ഉലമാ കൗണ്‍സില്‍ ഭാരവാഹിയായിരുന്നു. 1992 മുബൈ കലാപത്തിന്റെ നാളുകളില്‍ കലാപത്തിലെ ഇരകളെ സഹായിക്കാന്‍ നേതൃപരമായ പങ്കുവഹിച്ചു.അബ്ദുറഹിമാന്‍ മില്ലിയുടെ വിയോഗത്തില്‍ ഐഎന്‍എല്‍ ദേശീയ പ്രസിഡന്റ് പ്രൊഫ മുഹമ്മദ് സുലൈമാന്‍, ജനറല്‍ സെക്രട്ടറി അഹമ്മദ് ദേവര്‍കോവില്‍, പ്രൊഫ എപി അബ്ദുല്‍ വഹാബ്, കാസിം ഇരിക്കൂര്‍ എന്നിവര്‍ അനുശോചിച്ചു.