പ്രമുഖ തെലുങ്ക് നടനും യൂട്യൂബ് അവതാരകനും സിനിമ മാധ്യമ പ്രവര്‍ത്തകനുമായ തുമ്മല നരസിംഹ റെഡ്ഡി കോവിഡ് ബാധിച്ച്‌ മരിച്ചു. ഹൈദരാബാദില്‍ വെച്ചായിരുന്നു അന്ത്യം. മഹേഷിന്‍റെ പ്രതികാരം തെലുങ്ക് റീമേക്കായ ഉമ മഹേശ്വര ഉഗ്ര രൂപസ്യ, ഹിറ്റ്, ഫലക്നുമ ദാസ്, ജോര്‍ജ് റെഡ്ഡി, തുടങ്ങിയ സൂപ്പര്‍ ഹിറ്റ് സിനിമകളില്‍ വേഷമിട്ടിട്ടുണ്ട്. സെലിബ്രിറ്റി അഭിമുഖങ്ങള്‍ നടത്തുന്ന ‘ഫ്രാങ്ക്ലി വിത് ടി എന്‍ ആര്‍ എന്ന യൂട്യൂബ് ചാനലിലൂടെയാണ് നരസിംഹ റെഡ്ഡി പ്രശസ്തനാകുന്നത്.