രാജ്യമെങ്ങും കോവിഡ് ഭീതിയിൽ വിറങ്ങലിച്ചു നിൽക്കെ, നിലനിൽപിനായുള്ള പോരാട്ടം ശക്തിപ്പെടുത്താനുള്ള ഒരുക്കത്തിലാണ് കർഷക പ്രേക്ഷാഭകർ. വിവിധ സംസ്ഥാനങ്ങൾ ലോക്ഡൗൺ ഏർപ്പെടുത്തിയിട്ടും ഇവരുടെ പോരാട്ടവീര്യത്തിന് ഒട്ടും കുറവ് വന്നിട്ടില്ല.
കോവിഡ് പ്രോട്ടോക്കോൾ പാലിച്ച് സമരം തുടരുമെന്ന് സംയുക്ത കിസാൻ മോർച്ച ഭാരവാഹികൾ അറിയിച്ചു. കോവിഡ് വാക്സിനേഷന് തങ്ങൾ തയ്യാറാണെന്നും എന്നാൽ പ്രക്ഷോഭം അവസാനിപ്പിക്കില്ലെന്നും ഇവർ നേരത്തെ വ്യക്തമാക്കിയിരുന്നു.