ഹിമന്തബിശ്വ ശര്‍മ്മ അടുത്ത അസം മുഖ്യമന്ത്രിയായി ചുമതലയേല്‍ക്കും .ഇതുമായി ബന്ധപ്പെട്ട ചര്‍ച്ചകള്‍ക്കായി സര്‍ബാനന്ദ സോനാവാളിനേയും ബിശ്വ ശര്‍മ്മയേയും ഡല്‍ഹിയിലേക്ക് വിളിപ്പിച്ചു. ഞായറാഴ്ച ഉച്ചയോടെ മുഖ്യമന്ത്രിയായി അദ്ദേഹത്തെ പ്രഖ്യാപിക്കുമെന്നാണ് സൂചന. അതേസമയം, സര്‍ബാനന്ദ സൊനോബാൾ മുഖ്യമന്ത്രി പദത്തിനായി വാശി പിടിക്കുന്നത് ബിജെപി നേതുത്വത്തെ വല്ലാതെ ആശങ്കയിലാക്കിയിട്ടുണ്ട്. കഴിഞ്ഞ ദിവസം ഹിമന്തബിശ്വ ശര്‍മ്മയും സര്‍ബാനന്ദ സോനോബാളും കേന്ദ്ര ആഭ്യന്തര മന്ത്രി അമിത് ഷായുമായും ബിജെപി അധ്യക്ഷന്‍ ജെ പി നദ്ദ രണ്ടുതവണ ചര്‍ച്ച നടത്തിയിരുന്നു. പാര്‍ട്ടിയുടെ പാര്‍ലമെന്‍ററി പാര്‍ട്ടി യോഗം ചേര്‍ന്ന് ഉടന്‍ നേതാവിനെ തെരഞ്ഞെടുക്കുമെന്നാണ് ബിശ്വ ശര്‍മ്മയെ അനുകൂലിക്കുന്നവരുടെ പ്രതീക്ഷ. തെരഞ്ഞെടുപ്പ് നിരീക്ഷണസമിതി അംഗങ്ങളും യോഗത്തില്‍ പങ്കെടുക്കും.