സംസ്ഥാനത്തെ തീരപ്രദേശങ്ങളില് കടലാക്രമണത്തിന് സാധ്യതയെന്ന് മുന്നറിയിപ്പ്.വെള്ളിയാഴ്ച രാത്രി 11.30 വരെ ഉയര്ന്ന തിരമാലയ്ക്കും കടലാക്രമണത്തിനും സാധ്യതയുള്ളതായാണ് കാലവസ്ഥാ വകുപ്പ് നല്കുന്ന മുന്നറിയിപ്പ്. കൊല്ലം, ആലപ്പുഴ, കൊച്ചി, പൊന്നാനി, കോഴിക്കോട്, കണ്ണൂര്, കാസര്കോട് എന്നി തീരങ്ങളിലും താഴ്ന്ന പ്രദേശങ്ങളിലും ഉയര്ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്ര സ്ഥിതി പഠന ഗവേഷണ കേന്ദ്രം അറിയിച്ചു.മല്സ്യത്തൊഴിലാളികളും തീരദേശവാസികളും ഈ ദിവസങ്ങളില് ജാഗ്രത പുലര്ത്തണമെന്നും മുന്നറിയിപ്പില് പറയുന്നു. കൂടാതെ കേരളത്തില് ഇന്ന് ഒറ്റപ്പെട്ടയിടങ്ങളില് 30 – 40 കി.മി. വരെ വേഗതയില് വീശിയടിച്ചേക്കാവുന്ന കാറ്റിനും ഇടിമിന്നലോട് കൂടിയ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.ഉച്ചക്ക് 2 മണി മുതല് രാത്രി 10 മണിവരെയുള്ള സമയത്ത് ഇടിമിന്നലിനുള്ള സാധ്യത കൂടുതലാണ്.
© NERARIYAN | 2023