സുല്‍ത്താന്‍ ബത്തേരിയിൽ പുള്ളിമാനെ വേട്ടയാടി ഇറച്ചിയാക്കിയ സംഭവത്തില്‍ രണ്ടു പേര്‍ അറസ്റ്റില്‍. പഴുപ്പത്തൂര്‍ കോളിമൂല കോളനിയിലെ ഹരി (20), അരിവയല്‍ നെല്ലിക്കണ്ടം കോളനിയിലെ കണ്ണന്‍ (19) എന്നിവരാണ് പിടിയിലായത്. വയനാട് വന്യജീവി സങ്കേതത്തില്‍നിന്ന് പുള്ളിമാനെ വേട്ടയാടി വനത്തില്‍വെച്ചു തന്നെ ഇറച്ചിയാക്കുന്നതിനിടെയാണ് പിടിയിലായത്.
കുറിച്യാട് റേഞ്ചില്‍ കട്ടയാട് വനമേഖലയില്‍ വനംവകുപ്പ് നടത്തിയ പരിശോധനക്കിടെയാണ് ഇരുവരും പിടിയിലായത്. ഇവരില്‍നിന്നു 20കിലോ മാനിറച്ചിയും കത്തികളും കണ്ടെടുത്തു. കുറിച്യാട് റേഞ്ച് ഓഫിസര്‍ എന്‍ രൂപേഷിെന്‍റ നേതൃത്വത്തിലായിരുന്നു പരിശോധന.