സംസ്ഥാനത്ത് യുഡിഎഫ് പ്രചാരണത്തിനെത്തിയ കോണ്ഗ്രസ് ജനറല് സെക്രട്ടറി പ്രിയങ്കാ ഗാന്ധി നേമത്ത് പ്രചാരണത്തിന് എത്താതിരുന്നതില് അതൃപ്തിയറിയിച്ച് സ്ഥാനാര്ത്ഥി കെ മുരളീധരന്.
പ്രിയങ്കയെ നേരിട്ട് കണ്ട് അതൃപ്തിയറിയിച്ച മുരളീധരന് നേമം മണ്ഡലത്തില് എത്തിയില്ലെങ്കില് അത് മറ്റ് പല വ്യാഖ്യാനങ്ങളുമുണ്ടാക്കുമെന്നും മുന്നറിയിപ്പ് നല്കി. തുടര്ന്ന് ഏപ്രില് മൂന്നിന് കേരളത്തില് വീണ്ടും എത്താമെന്ന് പ്രിയങ്ക ഉറപ്പ് നല്കി.
ആദ്യം വെഞ്ഞാറമ്മൂട് മണ്ഡലം, ശേഷം കാട്ടാക്കട അതിന് ശേഷം പൂജപ്പുരയില് നേമത്തെ സ്ഥാനാര്ത്ഥി മുരളീധരനും വട്ടിയൂര്ക്കാവിലെ യുഡിഎഫ് സ്ഥാനാര്ത്ഥി വീണ നായര്ക്കും ഒപ്പം റോഡ് ഷോ എന്നായിരുന്നു പ്രിയങ്കയുടെ തെരഞ്ഞെടുപ്പ് പ്രചാരണത്തിനെ സംബന്ധിച്ച് നേരത്തെ തീരുമാനിച്ചിരുന്നത്. എന്നാല് സമയക്കുറവ് മൂലം പൂജപ്പുര റോഡ് ഷോ ഒഴിവാക്കേണ്ടി വന്നു.
ബിജെപിയുമായി നേരിട്ട് മത്സരം നടക്കുന്ന ദേശീയ ശ്രദ്ധ നേടിയ നേമത്ത്, ഹെക്കമാന്ഡിന്റെ നിര്ദ്ദേശാനുസരം മത്സരിക്കുന്ന ഒരു സ്ഥാനാര്ത്ഥിക്കായി പ്രചാരണത്തിന് പ്രിയങ്ക ഇറങ്ങാത്തത് വലിയ തിരിച്ചടിയാകുമെന്നുമാണ് മുരളീധരന് പ്രിയങ്കയെ അറിയിച്ചത്. ബിജെപിയും സിപിഎമ്മും അടക്കം ഇത് ആയുധമാക്കിയേക്കുമെന്നും മുരളീധരന് അറിയിച്ചു.