നയന്താരയും കുഞ്ചാക്കോ ബോബനും ആദ്യമായി ഒന്നിക്കുന്ന ‘നിഴൽ’ സിനിമയുടെ ട്രെയിലർ പുറത്ത്. ചിത്രം ഏപ്രില് 4ന് ഈസ്റ്റർ റിലീസായി തിയേറ്ററുകളിലെത്തും. ചിത്രത്തിൽ ഫസ്റ്റ് ക്ലാസ് ജുഡീഷ്യൽ മജിസ്ട്രേറ്റ് ജോൺ ബേബിയായാണ് കുഞ്ചാക്കോ ബോബനെത്തുന്നത്. ഷര്മിള എന്ന കഥാപാത്രത്തെയാണ് നയന്താര അവതരിപ്പിക്കുന്നത്. മികച്ചൊരു സസ്പെൻസ് ത്രില്ലറാകും നിഴലെന്നാണ് ട്രെയിലറില് നിന്നുള്ള സൂചന.
അപ്പു .എന്.ഭട്ടതിരി ആദ്യമായി സംവിധാനം ചെയ്യുന്ന ചിത്രമാണ് നിഴൽ. ചിത്രത്തിന്റെ തിരക്കഥ ഒരുക്കിയിരിക്കുന്നത് എസ്.സഞ്ജീവാണ്. ആന്റോ ജോസഫ് ഫിലിം കമ്പനി, മെലാഞ്ച് ഫിലിം ഹൗസ്, ടെന്റ് പോള് മൂവീസ് എന്നിവയുടെ ബാനറുകളില് ആന്റോ ജോസഫ്, അഭിജിത്ത്.എം.പിള്ള, ബാദുഷ, സംവിധായകന് ഫെല്ലിനി ടി.പി, ജിനേഷ് ജോസ് എന്നിവര് ചേര്ന്നാണ് ചിത്രം നിര്മിച്ചിരിക്കുന്നത്.
ദീപക്.ഡി.മേനോനാണ് ഛായാഗ്രഹണം. സംഗീതം സൂരജ്.എസ്.കുറുപ്പ്.മാസ്റ്റര് ഐസിന് ഹാഷ്, സൈജു കുറുപ്പ്, വിനോദ് കോവൂര്, ഡോ.റോണി, അനീഷ് ഗോപാല്, സിയാദ് യദു, സാദിക്ക്, ദിവ്യപ്രഭ, ആദ്യ പ്രസാദ് എന്നിവരാണ് ചിത്രത്തിലെ മറ്റ് അഭിനേതാക്കള്