പ്രശസ്ത കഥകളി ആചാര്യൻ ഗുരു ചേമഞ്ചേരി കുഞ്ഞിരാമൻ നായർ (104) അന്തരിച്ചു.കോഴിക്കോട് കൊയിലാണ്ടിയിലെ വീട്ടിൽവെച്ച് പുലർച്ചെയായിരുന്നു അന്ത്യം.വാർധക്യസഹജമായ അസുഖങ്ങളാൽ വിശ്രമജീവിതം നയിക്കുകയായിരുന്നു.
2017ൽ അദ്ദേഹത്തെ രാജ്യം പത്മശ്രീ പുരസ്കാരം നൽകി ആദരിച്ചു.മടൻകണ്ടി ചാത്തുകുട്ടിനായരുടേയും അമ്മുക്കുട്ടിയമ്മയുടെയും പുത്രനായി 1916 ജൂൺ 26നാണ് ചേമഞ്ചേരി കുഞ്ഞിരാമൻ നായരുടെ ജനനം.
അരങ്ങിൽ കുചേലനായും കുചകനായുമൊക്കെ വേഷപ്പകർന്നാട്ടം നടത്തിയ കുഞ്ഞിരാമൻ നായരുടെ കൃഷ്ണവേഷം, കഥകളി ആസ്വാദകർക്ക് എന്നും പ്രിയപ്പെട്ടതായിരുന്നു.