തമിഴ്നാട്ടില് സിഎഎ വിരുദ്ധ സമരത്തില് പങ്കെടുത്തവര്ക്കെതിരായ കേസുകള് പിന്വലിക്കുന്നുവെന്ന് മുഖ്യമന്ത്രി എടപ്പാടി പളനിസ്വാമി. പോലീസിനെ അക്രമിച്ച കേസുകള് ഒഴികെ ബാക്കിയെല്ലാം പിന്വലിക്കാനാണ് തീരുമാനം. കോവിഡ് പ്രോട്ടോക്കോള് ലംഘിച്ചവരുടെ കേസുകളും പിന്വലിക്കും.
തെങ്കാശിയില് തിരഞ്ഞെടുപ്പ് പ്രചരണ റാലിയില് സംസാരിക്കുന്നതിനിടെയാണ് മുഖ്യമന്ത്രി പ്രഖ്യാപനം നടത്തിയത്. പൊതുജനങ്ങളുടെ നന്മയെക്കരുതിയാണ് കേസുകള് റദ്ദ് ചെയ്യുന്നതെന്ന് മുഖ്യമന്ത്രി പറഞ്ഞു. കൂടംകുളം ആണവനിലയത്തില് പ്രതിഷേധം നടത്തിയവരുടെ കേസുകളും പിന്വലിക്കുന്നതും ആലോചനയിലുണ്ടെന്നും അദ്ദേഹം വ്യക്തമാക്കി.
മുഖ്യമന്ത്രിയുടെ പ്രഖ്യാപനത്തോടെ ആയിരക്കണക്കിന് കേസുകള് റദ്ദാക്കപ്പെടും.
പാര്ലമെന്റില് സിഎഎയെ അനുകൂലിച്ച് വോട്ട് ചെയ്ത പാര്ട്ടിയാണ് എന്ഡിഎ സഖ്യകക്ഷിയായ അണ്ണാ ഡിഎംകെ. സിഎഎ സമരങ്ങളേയും അണ്ണാ ഡിഎംകെ നേതാക്കള് തള്ളിപ്പറഞ്ഞിരുന്നു.
തമിഴ്നാട്ടില് നിയമസഭാ തിരഞ്ഞെടുപ്പ് നടക്കാന് ആഴ്ചകള് മാത്രം ബാക്കി നില്ക്കെയാണ് മുഖ്യമന്ത്രിയുടെ പ്രഖ്യാപനം.