ടെലിഗ്രാമിൽ നിന്നും സിഗ്നലിൽ നിന്നും കടുത്ത മത്സരം നേരിടുന്നുണ്ടെങ്കിലും ഇന്ത്യയിൽ സൗജന്യമായി ഉപയോഗിക്കാവുന്ന ഒന്നായി വാട്ട്‌സ്ആപ്പ് ഇപ്പോഴും തുടരുന്നു. എന്നിരുന്നാലും, പുതിയ ഫീച്ചറുകൾ പുറത്തിറക്കാൻ ഏറ്റവും സമയമെടുക്കുന്നതും വാട്ട്‌സ്ആപ്പിന് തന്നെയാണ്. ഉപയോക്താക്കൾക്ക് പുതിയ സവിശേഷത അവതരിപ്പിക്കാൻ ടെലിഗ്രാം മുന്നിൽ തന്നെയുണ്ടെങ്കിലും വാട്ട്‌സ്ആപ്പ് ഇക്കാര്യത്തിൽ ഏറെ പിന്നിലാണ്.
ഈ വർഷം വാട്ട്‌സ്ആപ്പ് പുതിയ സവിശേഷതകൾ ചേർക്കുന്നത് കാണാൻ സാധ്യത കുറവാണ്. എന്നിരുന്നാലും, അടുത്ത വർഷം ചില പുതിയ (നിർണായകമായ) ഫീച്ചറുകൾ കമ്പനി പുറത്തിറക്കുമെന്ന് ഞങ്ങൾ പ്രതീക്ഷിക്കുന്നു. മെറ്റയുടെ ഉടമസ്ഥതയിലുള്ള മെസഞ്ചർ വരും വർഷത്തിൽ അവതരിപ്പിക്കാൻ സാധ്യതയുള്ള അഞ്ച് പ്രധാന സവിശേഷതകൾ ഏതൊക്കെയാണെന്ന് പരിശോധിക്കാം.
സന്ദേശങ്ങൾ ഷെഡ്യൂൾ ചെയ്യൽ: സന്ദേശങ്ങൾ സ്വയമേവ ഇല്ലാതാക്കാൻ വാട്ട്‌സ്ആപ്പ് ഉപയോക്താക്കളെ അനുവദിക്കുന്നു, എന്നാൽ സന്ദേശങ്ങൾ ഷെഡ്യൂൾ ചെയ്യാൻ ഇതുവരെ ഒരു ഓപ്ഷനും നൽകിയിട്ടില്ല. ജോലി, ബിസിനസ് ആവശ്യങ്ങൾക്കായി ആപ്പ് ഉപയോഗിക്കുന്ന ഉപയോക്താക്കൾക്ക് ഈ സവിശേഷത വളരെ ഉപയോഗപ്രദമാകും.
സന്ദേശം എഡിറ്റ് ചെയ്യാനുള്ള സൗകര്യം: വാട്ട്‌സ്ആപ്പ് ഉപയോക്താക്കളെ സന്ദേശങ്ങൾ സ്വയമേവ ഇല്ലാതാക്കാനും അയച്ചതിന് ശേഷം ടെക്‌സ്‌റ്റുകൾ ഇല്ലാതാക്കാനും അനുവദിക്കുന്നു, എന്നാൽ ഐമെസേജിനൊപ്പം ആപ്പിൾ അടുത്തിടെ പുറത്തിറക്കിയതുപോലെയുള്ള സന്ദേശം എഡിറ്റ് ചെയ്യാൻ നിലവിൽ ഓപ്ഷനില്ല. സന്ദേശം അയച്ചതിന് ശേഷം എഡിറ്റ് ചെയ്യാൻ ഫീച്ചർ ഉപയോക്താക്കളെ അനുവദിക്കും.
അൺസെൻഡ് ഓപ്ഷൻ: എഡിറ്റ് മെസേജ് ഓപ്ഷൻ പോലെ, വാട്ട്‌സ്ആപ്പ് ഉപയോക്താക്കൾക്ക് സന്ദേശം അൺസെൻഡ് ചെയ്യാൻ നിലവിൽ കഴിയില്ല. എങ്കിലും ഇപ്പോൾ ഡിലീറ്റ് മെസേജ് ഓപ്ഷൻ ഒരു പരിധി വരെ ഇതിന് സഹായിക്കുന്നുണ്ടെങ്കിലും അത് യൂസർക്ക് അറിയാൻ കഴിയും. നിലവിൽ വാട്ട്‌സ്ആപ്പിന്റെ സഹോദര സ്ഥാപനമായ ഇൻസ്‌റ്റഗ്രാമിൽ ഇതിനുള്ള അവസരമുണ്ട്.
വാനിഷ് മോഡ്: വാട്ട്‌സ്ആപ്പിന് അതിന്റെ സഹോദര പ്ലാറ്റ്‌ഫോമുകളായ ഇൻസ്‌റ്റഗ്രാം, ഫേസ്ബുക്ക് മെസഞ്ചർ എന്നിവയിൽ നിന്ന് കടമെടുക്കാൻ കഴിയുന്ന മറ്റൊരു സവിശേഷതയാണ് വാനിഷ് മോഡ്. ചാറ്റ് അവസാനിക്കുമ്പോൾ സ്വയമേവ മായ്‌ക്കപ്പെടുന്ന താൽക്കാലിക ചാറ്റ് ത്രെഡുകൾ സൃഷ്‌ടിക്കാനും അതിൽ ചേരാനും ഈ മോഡ് ഉപയോക്താക്കളെ അനുവദിക്കുന്നു.
പല പത്രപ്രവർത്തകരും തന്ത്രപ്രധാനമായ വിവരങ്ങൾ പങ്കിടാൻ ആപ്പ് ഉപയോഗിക്കുന്നതിനാൽ വാനിഷ് മോഡ് വളരെ ഉപയോഗപ്രദമാകും എന്നാണ് വിലയിരുത്തൽ. നിലവിൽ വാട്ട്‌സ്ആപ്പ് അപ്രത്യക്ഷമാകുന്ന സന്ദേശങ്ങളുടെ സവിശേഷത വാഗ്ദാനം ചെയ്യുന്നുണ്ട്, എന്നാൽ വാനിഷ് മോഡ് കൂടുതൽ തടസ്സമില്ലാത്തതും സൗകര്യപ്രദവുമാണ്.
കോൾ റെക്കോർഡിംഗ്: പല ഉപയോക്താക്കളും ഏറ്റവും കൂടുതൽ കാത്തിരിക്കുന്ന ഒന്നാണ് കോൾ റെക്കോർഡിംഗ് ഫീച്ചർ. വാട്ട്‌സ്ആപ്പ് കോൾ റെക്കോർഡിംഗ് ഉപയോഗപ്രദമാകും, പക്ഷേ ഇത് പുതിയ വെല്ലുവിളികളും അവതരിപ്പിക്കും. ഇത് സംഭവിക്കുകയാണെങ്കിൽ, വാട്ട്‌സ്ആപ്പിന് അതിന്റെ എതിരാളികൾക്ക് മുകളിലെത്താൻ കഴിയും. ലാസ്‌റ്റ് സീനും, ഓൺലൈൻ സ്‌റ്റാറ്റസും ചെയ്യുന്നതുപോലെ കോൾ റെക്കോർഡിംഗുകൾ നിയന്ത്രിക്കാനുള്ള ഓപ്ഷൻ കമ്പനി വാഗ്ദാനം ചെയ്യും.