ഉത്തർപ്രദേശിൽ പ്രായപൂർത്തിയാകാത്ത രണ്ട് ദളിത് സഹോദരിമാരെ മരത്തിൽ തൂങ്ങിമരിച്ച നിലയിൽ കണ്ടെത്തി. യുപിയിലെ ലഖിംപൂർ ഖേരി ജില്ലയിൽ ഇന്നലെ ഉച്ചയാടെയാണ് മൃതദേഹം കണ്ടെത്തിയത്.പൂനം (15), മനീഷ (17) എന്നിവരാണ് മരിച്ചത്.
അടുത്തുള്ള ഗ്രാമത്തിലെ മൂന്ന് യുവാക്കൾ പെൺകുട്ടികളെ തട്ടിക്കൊണ്ടുപോയി മരത്തിൽ കെട്ടിത്തൂക്കിയതാണെന്ന് കുട്ടികളുടെ അമ്മ മായാദേവി ആരോപിച്ചു. മൃതദേഹങ്ങൾ പോസ്റ്റ്മോർട്ടത്തിനായി അയച്ചിട്ടുണ്ട്.
സംഭവത്തിൽ പൊലീസ് അന്വേഷണം ആരംഭിച്ചു. ലഖിംപൂർ ഖേരി ജില്ലാ എസ്പി സഞ്ജീവ് സുമൻ, അഡീഷണൽ എസ്പി അരുൺകുമാർ സിങ് എന്നിവരും സ്ഥലത്തെത്തിയിരുന്നു.