ഉടലിലെ ഷെെനി കരിയറിലെ ഇതുവരെയുള്ളതിൽ ഏറ്റവും മികച്ച വേഷം: ദുർഗ കൃഷ്ണ

ഇന്ദ്രൻസ്, ധ്യാൻ ദുർഗ എന്നിവർ കേന്ദ്രകഥാപാത്രങ്ങളായി എത്തിയ ഉടൽ സിനിമ മികച്ച ഭിപ്രായവുമായി പ്രദർശനം തുടരുകയാണ്. ഈ സിനിമ കാണുന്ന ഒരാൾക്കും അത് തുണ്ടു പടമായി തോന്നുകയില്ലെന്ന് നടി ദുർഗ കൃഷ്ണ ഒരു അഭിമുഖത്തിൽ പറഞ്ഞു.
തന്റെ ഇതുവരെയുള്ള കരിയറിലെ ഇതുവരെയുള്ളതിൽ ഏറ്റവും മികച്ച വേഷം എന്ന് നിസംശയം പറയാവുന്ന കഥാപാത്രമാണ് ഉടലിലെ ഷെെനിയെന്നും ​ദുർ​ഗ പറയുന്നു. പ്രധാനവേഷം ചെയ്ത ഇന്ദ്രൻസിനൊപ്പം നിൽക്കുന്ന പ്രകടനമാണ് ദുർഗ കൃഷ്ണയും‘ഉടൽ’ എന്ന പുതിയ സിനിമയിൽ കാഴ്ചവെച്ചത്.
ഈ സിനിമയിലെ ചുംബന- ശരീര രം​ഗങ്ങളെപ്പറ്റിയും താരം പറഞ്ഞിട്ടുണ്ട്, താൻ ഒരിക്കലും വായുവിലല്ല ഉമ്മ വെച്ചതെന്നും ആ സമയം തനിക്കൊപ്പവും ആളുണ്ടായിരുന്നു വെന്നും പറഞ്ഞു. എന്തുകൊണ്ടാണ് സ്ത്രീ കഥാപാത്രങ്ങളെ മാത്രം മോശമായി കാണുന്നതെന്നും. ആണുങ്ങൾ അവതരിപ്പിക്കുന്ന കഥാപാത്രങ്ങൾക്കിത് ബാധകമല്ലത്തതെന്നും ദുർഗ ചോദിക്കുന്നു.
ഉടലിൽ ഞാൻ ആ രംഗത്തതിൽ അഭിനയിച്ചതുകൊണ്ട് എന്റെ കുടുംബക്കാർ മുഴുവൻ വൃത്തികെട്ടവരും മറ്റേ ആളുടെ കുടുംബം രക്ഷകരും ആകുന്ന അവസ്ഥയാണ് ഉള്ളത് . അതുകൊണ്ടാണ് വായുവിൽ നോക്കിയല്ല ഉമ്മ വയ്ക്കുന്നതെന്ന് പറയുന്നതെന്നും ദുർഗ പറയുന്നു.
ചിത്രത്തിൽ തന്റേതായ ശരികളിലൂടെ യാത്ര ചെയ്യുന്നവളാണെന്നാണ് തന്റെ കഥാപാത്രത്തെക്കുറിച്ച് ദുർഗ പറയുന്നത്. അവളുടെ ശരികൾ മറ്റുള്ളവർക്കു തെറ്റായി തോന്നിയേക്കാമെന്നും എങ്കിലും അവൾ മുന്നോട്ടു പോവുകയാണെന്നും ദുർഗ പറയുന്നു.