ഐഫോണ്‍ 6 പ്ലസിന് ഇനി മുതല്‍ ആപ്പിള്‍ സേവനം ഉണ്ടാവില്ല. ആപ്പിള്‍ ഐഫോണ്‍ 6ന്റെ വിതരണവും വില്‍പ്പനയും നിര്‍ത്തിയിട്ട് അഞ്ച് വര്‍ഷത്തിലേറെയായി. എന്നിരുന്നാലും, ആപ്പിള്‍ സ്റ്റോറും ആപ്പിളിന്റെ അംഗീകൃത സേവന ദാതാക്കളും 7 വര്‍ഷം വരെ റെട്രോ ഉല്‍പ്പന്നങ്ങള്‍ക്കായി റിപ്പയര്‍ സേവനങ്ങള്‍ നല്‍കുന്നത് തുടരാറുണ്ട്. ഡിസംബര്‍ 31ന് സേവനം അവസാനിപ്പിക്കും എന്നാണ് റിപ്പോര്‍ട്ട്. 2014 സെപ്റ്റംബറില്‍ സമാരംഭിച്ച ഐഫോണ്‍ 6, ഐഫോണ്‍ 6 പ്ലസ്, എന്നിവ ഇതുവരെ വിറ്റഴിച്ച ഏറ്റവും ജനപ്രിയമായ രണ്ട് സ്മാര്‍ട്ട്ഫോണുകളാണ്.