തിരുവനന്തപുരം മാര്‍ ഇവാനിയോസ് കോളജ് വിദ്യാര്‍ത്ഥിയെ ഹോസ്റ്റലിലെ പടിക്കെട്ടില്‍ വീണുമരിച്ച നിലയില്‍ കണ്ടെത്തി.
കൊല്ലം ഏരൂര്‍ ഭാരതീപുരം തുമ്ബോട് വാറൂര്‍ മേലൂട്ട് വീട്ടില്‍ റെജി എബ്രഹാമിെന്‍റ മകന്‍ ജോഷ്വ എബ്രഹാമാണ് (19) മരിച്ചത്. രണ്ടാം വര്‍ഷ ബി.കോം വിദ്യാര്‍ഥിയാണ്.
മാര്‍ ഇവാനിയാസ് കോളജിലെ സെന്‍റ് തോമസ് ഹോസ്റ്റല്‍ കെട്ടിടത്തില്‍ നിന്ന് വീണു മരിച്ചു എന്നാണ് പ്രാഥമിക നിഗമനം. ബുധനാഴ്ച രാവിലെ ബാസ്കറ്റ് ബാള്‍ പരിശീലനം കഴിഞ്ഞ് ഹോസ്റ്റലില്‍ എത്തിയ ഇയാള്‍ കുടിവെള്ളം എടുക്കുന്നതിനായി മുകളിലത്തെ നിലയിലേക്ക് പോയിരുന്നതായി പറയപ്പെടുന്നു. വെള്ളമെടുത്ത് മടങ്ങുന്നവഴി പടികളില്‍ കാല്‍ വഴുതി വീണതാകാം അപകടകാരണമെന്നാണ് സൂചന.
പടിക്കെട്ടില്‍ അബോധാവസ്ഥയില്‍ കണ്ടെത്തിയ ജോഷ്വയെ ഉടന്‍ തന്നെ മുറിഞ്ഞപാലത്തെ കോസ്മോപൊളിറ്റന്‍ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. പരിശോധനയില്‍ കോവിഡ് ബാധിതനാണെന്ന് സ്ഥിരീകരിച്ചിട്ടുണ്ട്.
മൃതദേഹം കോസ്മോപൊളിറ്റന്‍ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. സംഭവത്തില്‍ മണ്ണന്തല െപാലീസ് കേസെടുത്ത് അന്വേഷണം ആരംഭിച്ചു.
The post മാര്‍ ഇവാനിയോസ് കോളജ് വിദ്യാര്‍ത്ഥിയെ ഹോസ്റ്റലിലെ പടിക്കെട്ടില്‍ വീണുമരിച്ച നിലയില്‍ കണ്ടെത്തി