കിണര് കുഴിക്കുന്നതിനിടെ കിണറ്റിലേക്ക് കല്ലിട്ട് തൊഴിലാളിയെ കൊല്ലാന് ശ്രമം. പാറശാലയിലാണ് സംഭവം. പാറശാല സ്വദേശി സാബുവിനെയാണ് കല്ലിട്ട് കൊല്ലാൻ ശ്രമിച്ചത്. കൂലി സംബന്ധിച്ച തര്ക്കമാണ് ആക്രമണത്തിന് കാരണമായതെന്ന് പൊലീസ് പറഞ്ഞു. സാബുവിന്റെ സുഹൃത്ത് ബിനുവാണ് ആക്രമിച്ചത്. ബിനുവിന്റെ കിണര് കുഴിച്ചത് സാബുവായിരുന്നു. തോളിനാണ് പരിക്കേറ്റതെന്നും പരിക്ക് ഗുരുതരമല്ലെന്നും ആശുപത്രി അധികൃതര് പറഞ്ഞു.