ഇന്ത്യയിലെ അരിവില വർധിക്കുന്നു. ആഗോള തലത്തിൽ അരിയുടെ വില കഴിഞ്ഞ 11 വർഷങ്ങളിലെ ഏറ്റവും ഉയർന്ന നിലയിലാണ്. എൽനിനോ വിളവെടുപ്പിനെ ബാധിച്ചത് സപ്ലൈ കുറയാനും, ഡിമാൻഡ് വർധിക്കാനും കാരണമായി. പ്രധാനമായും ഇക്കാരണത്താലാണ് വിലവർധന ഉണ്ടായിരിക്കുന്നത്. നിലവിലെ സാഹചര്യം തുടർന്നാൽ അഞ്ചിരട്ടിയെങ്കിലും വില വർധിക്കാൻ സാധ്യതയുണ്ടെന്നാണ് വിലയിരുത്തൽ.
ഇന്ത്യയുടെ പങ്ക്
ആഗോള തലത്തിലുള്ള അരി കയറ്റുമതിയുടെ ഏകദേശം 40% പങ്കാളിത്തം ഇന്ത്യയ്ക്കാണ്. 2022 വർഷത്തിൽ മാത്രം ഏകദേശം 56 മില്യൺ ടൺ അരിയാണ് ഇന്ത്യ കയറ്റുമതി നടത്തിയത്. എന്നാൽ കഴിഞ്ഞ വർഷം റഷ്യയുടെ യുക്രൈൻ ആക്രമണം ഇൻവെന്ററി ലെവൽ കുറയാൻ കാരണമായി. ഇതിന്റെ ഫലമായി ഷിപ്മെന്റിൽ ചെറിയ കുറവ് വന്നാൽപ്പോലും അരിവില ഉയരുന്ന സാഹചര്യമാണ്. പ്രതികൂലമായ കാലാവസ്ഥയും നെൽക്കൃഷിക്ക് ഭീഷണി സൃഷ്ടിക്കുന്നു.
ഏറ്റവും കുറഞ്ഞ നിരക്കിൽ അരി സപ്ലൈ ചെയതിരുന്ന രാജ്യമാണ് ഇന്ത്യയെന്ന് റൈസ് എക്സ്പോർട് അസോസിയേഷൻ പ്രസിഡന്റ് ബി.വി കൃഷ്ണ പറഞ്ഞു. മിനിമം സപ്പോർട്ട് പ്രൈസ് എന്ന ഘടകമാണ് ഇന്ത്യയിൽ നിന്നുള്ള അരിയുടെ വില ഉയർത്തുന്ന പ്രധാന ഘടകം. ഇതോടെ മറ്റുള്ള സപ്ലെയേഴ്സും വില ഉയർത്തുന്നതായും അദ്ദേഹം ചൂണ്ടിക്കാട്ടി.
ഉല്പാദക രാജ്യങ്ങൾ
ആഗോളതലത്തിൽ ഉല്പാദിപ്പിക്കപെടുന്ന അരിയിൽ ഏകദേശം 90% ഏഷ്യൻ പ്രദേശത്താണ് ഉല്പാദിപ്പിക്കപ്പെടുന്നത്. ബംഗ്ലാദേശ്, ചൈന, ഇന്ത്യ, ഇന്തൊനീഷ്യ, തായ്ലൻഡ്, വിയറ്റ്നാം എന്നീ ആറ് രാജ്യങ്ങളാണ് ആഗോള തലത്തിൽ ഏറ്റവുമധികം അരി ഉല്പാദനം നടത്തുന്നത്. ഏഷ്യയിലെ മിക്ക രാജ്യങ്ങളിലെ, ഏകദേശം 3 ബില്യൺ ആളുകളുടെ മുഖ്യ ഭക്ഷണമാണ് അരി. ഇന്ത്യയിൽ നിന്നുള്ള അരിയുടെ കയറ്റുമതിയിൽ നിലവിൽ നിയന്ത്രണങ്ങൾ ഏർപ്പെടുത്തിയിട്ടുണ്ട്. ഇത് ആഗോള തലത്തിൽ സപ്ലൈ സമ്മർദ്ദം സൃഷ്ടിച്ച് അരിവില വർധിക്കാൻ കാരണമാകുന്നുവെന്നും വിലയിരുത്തലുണ്ട്.
എൽനിനോയുടെ സ്വാധീനം
എൽനിനോ ചുഴലിക്കാറ്റ് മഴയുടെ ലഭ്യതയിൽ കുറവ് വരുത്തുന്നതാണ് നിലവിലെ ഏറ്റവും വലിയ ഭീഷണി. ഇതോടെ കൃഷി താളം തെറ്റുന്നു. കുറഞ്ഞ ഉല്പാദനം വിപണിയിലേക്കുള്ള സപ്ലൈ കുറച്ചു നിർത്തുന്നു. അതേ സമയം ഡിമാൻഡിൽ കുറവൊന്നും സംഭവിക്കുന്നില്ല. ഇത്തരത്തിലാണ് വിലയിൽ ഉയർച്ച സംഭവിക്കുന്നത്. ഫുഡ് & ആഗ്രിക്കൾച്ചറൽ ഓർഗനൈസേഷന്റെ ഗ്ലോബൽ പ്രൈസ് ഇൻഡക്സ്, ഇപ്പോൾ 11 വർഷത്തിലെ ഏറ്റവും ഉയർന്ന നിലയിലാണ്. എൽനിനോയുടെ സ്വാധീനം ഏതെെങ്കിലും ഒരു രാജ്യത്ത് മാത്രമല്ലെന്ന് ഓളം ഇന്ത്യാസ് റൈസ് ബിസിനസ് വൈസ് പ്രസിഡന്റ് നിതിൻ ഗുപ്ത പറഞ്ഞു. എല്ലാ അരിയുല്പാദക രാജ്യങ്ങളെയും എൽ നിനോ ബാധിച്ചു കഴിഞ്ഞു.
അരിവില
ഇന്ത്യയിൽ നിന്ന് കയറ്റുമതി ചെയ്യുന്ന അരിയുടെ വില 9% എന്നതോതിൽ വർധിച്ചു. കഴിഞ്ഞ 5 വർഷത്തെ ഏറ്റവും ഉയർന്ന നിലവാരമാണിത്. കഴിഞ്ഞ മാസം മാത്രം 7% വിലവർധനവാണ് ഉണ്ടായിരിക്കുന്നത്. തായ്ലൻഡ്, വിയറ്റ്നാം എന്നിവിടങ്ങളിലേക്ക് ഇന്ത്യയിൽ നിന്ന് കയറ്റുമതി നടത്തുന്ന അരിവില രണ്ട് വർഷത്തെ ഏറ്റവും ഉയർന്ന നിലവാരത്തിലാണ്.
ആഗോള തലത്തിൽ അരിയുടെ ഇൻവെന്ററി ലെലവൽ 2023-24 സാമ്പത്തിക വർഷത്തിന്റെ അവസാനത്തോടെ ആറ് വർഷത്തെ ഏറ്റവും കുറഞ്ഞ നിലവാരമായ 170.2 മില്യൺ ടണ്ണിലെത്തി. ഉല്പാദനം ഇനിയും കുറയുന്ന സാഹചര്യത്തിൽ അരിവില അഞ്ച് മടങ്ങെങ്കിലും കുതിച്ചുയരാൻ സാധ്യതയുണ്ടെന്നാണ് വിലയിരുത്തൽ.