തിരുവനന്തപുരം ജനറല് ആശുപത്രിയില് തമ്മില് തല്ലി യുവാക്കള്. ആശുപത്രി വളപ്പിലാണ് യുവാക്കള് സംഘം തിരിഞ്ഞാണ് ഏറ്റുമുട്ടിയത്. തമ്പാനൂര് ബാറില് നിന്നാരംഭിച്ച സംഘര്ഷമാണ് ആശുപത്രിയിലെത്തിയത്. സംഭവത്തിന്റെ ദൃശ്യങ്ങള് സാമൂഹിക മാധ്യമങ്ങളില് വൈറലാണ്.
ബാറിലെ സംഘര്ഷത്തില് രണ്ട് പേര്ക്ക് പരിക്കേറ്റിരുന്നു. ഇവര് ചികിത്സ തേടി ആശുപത്രിയിലെത്തിയതിനിടെ സംഘര്ഷമുണ്ടാക്കിയവരും ആശുപത്രിയിലെത്തുകയായിരുന്നു. തുടര്ന്ന് ആശുപത്രി വളപ്പില് ഏറ്റുമുട്ടി. ഇവിടെ നിന്ന് പിരിഞ്ഞ് പോയ ശേഷം തിരുവനന്തപുരം മെഡിക്കല് കോളേജ് ആശുപത്രി പരിസരത്ത് വെച്ചും സംഘര്ഷമുണ്ടാക്കി.
സംഭവത്തില് പരാതി നല്കുമെന്ന് ആശുപത്രി അധികൃതര് വ്യക്തമാക്കി. സംഘര്ഷമുണ്ടാക്കിയവരെ തിരിച്ചറിയാന് കഴിഞ്ഞിട്ടില്ലെന്ന് പോലീസ് പറഞ്ഞു.