മോഹന്ലാല് ആദ്യമായി സംവിധാനം ചെയ്യുന്നുവെന്ന പ്രത്യേകത കൊണ്ടുതന്നെ വാര്ത്തകളില് നിറഞ്ഞു നില്ക്കുകയാണ് ബറോസ്. ചിത്രത്തിന്റെ ഓരോ വിവരങ്ങളും ആരാധകര് ആവേശത്തോടെയാണ് സ്വീകരിക്കുന്നത്. ചിത്രത്തിന്റെ റിലീസിനായി കാത്തിരിക്കുകയാണ് ആരാധകര്.
ഇപ്പോള് ഇതാ ചിത്രത്തില് ഗുരു സോമസുന്ദരം അവതരിപ്പിക്കുന്ന കഥാപാത്രവുമായി ബന്ധപ്പെട്ട വിവരങ്ങള് പുറത്തുവന്നിരിക്കുകയാണ്. പോലീസ് വേഷത്തിലാണ് എത്തുകയെന്നും മോഹന്ലാലിനൊപ്പം തനിയ്ക്ക് ചില രംഗങ്ങളുണ്ടെന്നും അദ്ദേഹം റിപ്പോര്ട്ടര് ടിവിയ്ക്ക് നല്കിയ അഭിമുഖത്തില് പറഞ്ഞു.
മോഹന്ലാല് പരിചയസമ്പന്നനായ സംവിധായകനാണെന്ന് തോന്നുമെന്ന് ഗുരു സോമസുന്ദരം പറഞ്ഞു. ബറോസിലെ ക്യാരക്ടര് ഏറെ ഇഷ്ടമായി. ഇതുവരെ ചെയ്തതില് വെച്ച് ഏറ്റവും വലിയ സിനിമയാണ് ബറോസ്. കുറേ അഭിനേതാക്കള്, കോസ്റ്റിയൂംസ്, ടെക്നീഷ്യന്മാര്, കഥ തുടങ്ങി എല്ലാം ഭയങ്കരമാണെന്നും അദ്ദേഹം പറഞ്ഞു.
മോഹന്ലാലിന്റെ സ്വപ്ന പ്രോജക്ടാണ് ബറോസ്. ചിത്രത്തില് പ്രധാന കഥാപാത്രമായി മോഹന്ലാലും എത്തുന്നുണ്ട്. ആശിര്വാദ് സിനിമാസ് നിര്മ്മിക്കുന്ന ബറോസിന്റെ ഛായാഗ്രഹണം നിര്വഹിച്ചിരിക്കുന്നത് സന്തോഷ് ശിവനാണ്.
ബിഗ് ബജറ്റ് ത്രീഡി ഫാന്റസിയായി എടുക്കുന്ന ഈ ചിത്രത്തില് പാസ് വേഗ, റാഫേല് അമാര്ഗോ എന്നീ സ്പാനിഷ് താരങ്ങളും അഭിനയിക്കുന്നു. ഇതുവരെ കണ്ടിട്ടില്ലാത്ത മേക്കോവറിലാണ് മോഹന്ലാല് ബറോസിലെത്തുന്നത്. വാസ്കോഡ ഗാമയുടെ നിധി സൂക്ഷിപ്പുകാരനായ ബറോസ് എന്ന ഭൂതത്തിന്റെ കഥയാണ് ചിത്രം പറയുന്നത്.
നിധി തേടി ഒരു കുട്ടി ബറോസിനു മുന്നിലെത്തുന്നതാണ് കഥയുടെ പ്രമേയം. ബറോസ്: ഗാര്ഡിയന് ഓഫ് ഡി’ഗാമാസ് ട്രെഷര് എന്ന പേരിലെ നോവല് അടിസ്ഥാനമാക്കിയാണ് ചിത്രം ഒരുങ്ങുന്നത്. ബറോസ് എന്ന ഭൂതമായാണ് മോഹന്ലാല് വേഷമിടുന്നത്. 40 വര്ഷത്തെ അഭിനയ ജീവിതത്തിലെ മുഴുവന് അനുഭവവുമായാണ് മോഹന്ലാല് സംവിധാന മേഖലയിലേക്ക് തിരിഞ്ഞത്.