ആഗോള വിപണിയിലെ സമ്മിശ്ര പ്രവണതകൾക്കിടയിൽ മെറ്റൽ, റിയാലിറ്റി ഓഹരികളുടെ സഹായത്തോടെ ഇക്വിറ്റി ബെഞ്ച്മാർക്കുകളായ സെൻസെക്‌സും നിഫ്റ്റിയും വ്യാഴാഴ്‌ച ഉയർച്ചയിലേക്ക് ചുവടുവച്ചു. ബിഎസ്ഇ സെൻസെക്‌സ് 212.88 പോയിന്റ് അല്ലെങ്കിൽ 0.36 ശതമാനം ഉയർന്ന് 59,756.84ൽ എത്തി. പകൽ സമയത്ത് ഇത് 415.98 പോയിന്റ് അഥവാ 0.69 ശതമാനം ഉയർന്ന് 59,959.94ലെത്തി.
സമാനമായ രീതിയിൽ, വിശാലമായ എൻഎസ്ഇ നിഫ്റ്റി 80.60 പോയിന്റ് അഥവാ 0.46 ശതമാനം ഉയർന്ന് 17,736.95ൽ അവസാനിച്ചു. സെൻസെക്‌സ് പാക്കിൽ, ടാറ്റ സ്‌റ്റീൽ, പവർ ഗ്രിഡ്, സൺ ഫാർമ, ഭാരതി എയർടെൽ, ടൈറ്റൻ, ആക്‌സിസ് ബാങ്ക്, ഡോ.റെഡ്ഡീസ്, എൻ‌ടി‌പി‌സി എന്നിവ പ്രധാനമായും നേട്ടമുണ്ടാക്കിയ ഓഹരികളാണ്.
മറുവശത്ത് ബജാജ് ഫിനാൻസ്, ബജാജ് ഫിൻസെർവ്, ഏഷ്യൻ പെയിന്റ്‌സ്, ടെക് മഹീന്ദ്ര, നെസ്‌ലെ എന്നിവ പിന്നോട്ടുപോയി. ഏഷ്യയിലെ മറ്റ് പ്രധാന വിപണികളായ സിയോളിലെയും ഹോങ്കോങ്ങിലെയും വിപണികൾ ഉയർന്ന് അവസാനിച്ചപ്പോൾ ടോക്കിയോയും ഷാങ്ഹായും താഴ്ന്ന നിലയിലാണ്. യൂറോപ്പിലെ സ്‌റ്റോക്ക് എക്സ്ചേഞ്ചുകൾ മിഡ്-സെഷൻ ഡീലുകളിൽ സമ്മിശ്ര നിലയിലാണ് വ്യാപാരം നടത്തുന്നത്.